គេហទំព័រ ចាប់ដៃ | ព័ត៌មានថ្មីៗទាន់ហេតុការណ៏ » លោក ទុំ ណូ ល្បីពូកែប្រព្រឹត្តអំពើពុករលួយនៅខេត្តប៉ែលិន មានសំណាងទៅកើបលុយនៅខេត្តព្រះសីហនុ ក្នុងតំណែងជា មេគយខេត្តព្រះសីហនុ?
0

លោក ទុំ ណូ ល្បីពូកែប្រព្រឹត្តអំពើពុករលួយនៅខេត្តប៉ែលិន មានសំណាងទៅកើបលុយនៅខេត្តព្រះសីហនុ ក្នុងតំណែងជា មេគយខេត្តព្រះសីហនុ?

ខេត្ត​ព្រះសីហនុ ៖  លោក ទុំ ណូ អតីត​ប្រធាន សាខាគយ ខេត្ត​ប៉ៃលិន ដែល​ធ្លាប់​មានបានពីការកឹបកេងលុយពីចំណូលពន្ធរដ្ឋ ធ្វើឲ្យ​បាត់ ចំណូល​ពន្ធ មិន​ត្រូវបាន​ដាក់​ពិន័យ បែរជា​ត្រូវបាន​តែងតាំង ជា​ប្រធាន​សាខាគយ ខេត្ត​ព្រះសីហនុ ជំនួស​លោក យ៉ឹក យូ គួរឲ្យ​ភ្ញាក់ផ្អើល​បំផុ​តដោយសារតែ អំពើពុករលួយ និង​វប្បធម៌ អន្តរាគមន៍ ក្នុង​ការតែងតាំង និង​ផ្ទេរ​តំណែង ក្នុង​អគ្គនាយកដ្ឋាន គយ​និង​រដ្ឋាករ កំពុង​កើតមាន គួរឲ្យ​ញាក់សាច់ គេ​សង្កេតឃើញ មន្ត្រី​គយ​មុខ​ខ្លាញ់ មួយចំនួន បាន​ព្យាយាម​ចាយលុយ រាប់សិប​ដុំ ក្នុងការ​ជ្រែ​ឬ​ដេញថ្លៃ ឡើងកាន់​តំណែង​ល្អៗ បាន​ដោយ​ជោគជ័យ​។

គេ​ដឹងថា លោក ទុំ ណូ មាន​ទំនាក់ទំនង​ល្អ ជាមួយ​ឈ្មួញ ដ៏​មាន​អំណាច​ម្នាក់ ដែល​គេ​ល្បី​តៗ​គ្នា​ថា ឈ្មួញ​ម្នាក់​នោះ បាន​ចែក​ហ៊ុន ជាមួយ​ភរិយា​មន្ត្រី​គយ ជាន់ខ្ពស់​ម្នាក់ ក្នុង​ការរកស៊ី​នាំចូល ទំនិញ​ខុសច្បាប់ និង​គេចពន្ធ ហើយ​ឮ​ថា លោក ទុំ ណូ ទៅដល់​ទីណា ក៏​លេចមុខ​ឈ្មួញ​ម្នាក់​នោះ ទៅ​ប្រកប​ជំនួញ ម៉ៅការ​ដឹកជញ្ជូន​ទំនិញ មិន​ដែល​ខាន​ទេ​។ លោក ទុំ ណូ ធ្លាប់មាន​បទពិសោធន៍ ក្នុង​ការប្រមូល​លុយ ពី​អំពើ​គេចពន្ធ គួបផ្សំ​ជាមួយ ការ​មាន​ទំនាក់ទំនង​ល្អ ជាមួយ​ក្រុម​ឈ្មួញ មាន​លុយ មាន​អំណាច​ផង​នោះ គេ​ជឿ​ថា ក្នុង​តំណែង​ជា ប្រធាន​សាខាគយ ខេត្ត​ព្រះសីហនុ ប្រកបដោយ​សក្តានុពល លោក ទុំ ណូ អាច​ប្រមូល​លុយ​ស្រង់ដើម បាន​យ៉ាង​ងាយស្រួល​។​

​អំឡុង​ពេល​ដែល លោក ទុំ ណូ កាន់តំណែង​ជា ប្រធាន​សាខាគយ ខេត្ត​ប៉ៃលិន ក្រុម​ឈ្មួញ នៅតែ​មាន​ឱកាស ដឹកជញ្ជូន ទំនិញ​គេច​ពន្ធ ឆ្លងកាត់​ខេត្ត​ប៉ៃលិន ដោយ​រលូន ហើយ​ករណី​ខ្លះ លោក ទុំ ណូ ប្រធាន​សាខាគយ ខេត្ត​ប៉ៃលិន មិន​បាន​ឃុបឃិត ជាមួយ​ឈ្មួញ ដោយផ្ទាល់  ក៏​គាត់​មាន​ចំណែក ក្នុង​ការបញ្ជាឲ្យ​មន្ត្រី ក្រោម​ឱវាទ ប្រមូល​លុយ​ពី​ឈ្មួញ ដោយ​មិន​ខ្វល់ ពី​ការ​កែទម្រង់ អ្វី​នោះឡើយ​។ ដូចជា ទំនិញ​នាំចូល ត្រូវ​បង់ពន្ធ​ខ្ពស់ តែ​ដោយ​មាន​ការ ឃុបឃិត​គ្នា​ជា​ប្រព័ន្ធ បង់ពន្ធ​ត្រឹមតែ ៣០​ទៅ​៤០ ភាគរយ និង​បង់​ត្រឹមតែ ជា​ទំនិញ​ចម្រុះ និង​គ្រឿងបន្លាស់ នាំ​ឲ្យ​រដ្ឋ​ត្រូវ​ខាតបង់ ចំណូល​ពន្ធ រាប់សិប​ម៉ឺន​ដុល្លារ ក្នុង​មួយ​ខែៗ​។​

​សូម​រំលឹក​ថា លោក នួន ចន្ទ័​រិទ្ធ អគ្គនាយករង នៃ​អគ្គនាយដ្ឋាន គយ​និង​រដ្ឋាករ កម្ពុជា តំណាងអោយ លោក​បណ្ឌិត គុណ ញឹម បាន​ធ្វើ​ជា​អធិបតី ក្នុង​ការប្រកាស តែងតាំង និង​ផ្លាស់ប្តូរ មុខតំណែង ប្រធាន​សាខាគយ ខេត្ត​ព្រះសីហនុ កាលពី​ព្រឹក​ថ្ងៃទី​៩ ខែ​មករា ឆ្នាំ​២០១៧ នៅ​សាលាខេត្ត ព្រះសីហនុ ដោយ​ក្នុង​នោះ​លោក យ៉ឹក យូ ប្រធាន​សាខាគយ ខេត្ត​ព្រះសីហនុ ប្តូរ​ទៅ​ជា​ប្រធាន សាខាគយ កំពង់ផែ​អន្តរជាតិ ក្រុងព្រះសីហនុ ជំនួស​លោក គិន លី ដែល​ត្រូវ ចូលនិវត្តន៍ ចំ​ណែ​លោក ទុំ ណូ អតីត​ប្រធាន សាខាគយ ខេត្ត​ប៉ៃលិន មក​ទទួល​តំណែង​ជា ប្រធាន​សាខាគយ ខេត្ត​ព្រះសីហនុ​៕១

ចុះផ្សាយក្នុង៖ ព័ត៌មានខ្សឹបឲ្យដឹង, ព័ត៌មានជាតិ, ព័ត៌មាន​ពិសេស, ព័ត៌មានស៊ីជម្រៅ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com