0

លោក ជុំ សំនិត ប្រធានសាខាពន្ធដារខេត្តឧត្តរមានជ័យប្រព្រឹត្តអំពើពុករលួយមិនញញើតអង្កភាពប្រឆាំងអំពើពុករលួយសោះឡេីយ?

ឧត្តរមានជ័យ ÷ ប្រភពពីមន្រ្តីរាជការក្នុងអង្គភាពសាខាពន្ធដារខេត្តឧត្តរមានជ័យ បានឲ្យដឹងថា÷ មកដល់ពេលនេះលោក ជុំ សំនិត ប្រធានសាខាពន្ធដារខេត្តឧត្តរមានជ័យ នៅតែប្រើតួនាទី​និងអំណាចប្រព្រឹត្តអំពើពុករលួយយ៉ាងពេញ ទំហឹងដដែល។
តាមប្រភពបានបញ្ជាក់ទៀតថា÷ ចំណាត់ការរបស់លោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ទៅលើលោក ជុំ សំនិត ប្រធានសាខាពន្ធដារខេត្តឧត្តរ មានជ័យ គឺជារឿងលេងសើចសុទ្ធសាធ។ ដោយហេតុថា បច្ចុប្បន្នលោក ជុំ សំនិត នៅតែមានតួនាទីជាប្រធានសាខាពន្ធដារខេត្តឧត្តរមានជ័យ ហើយប្រព្រឹត្តអំពើពុករលួយយ៉ាងគឃ្លើនគ្មានញញើតអ្វីទាំងអស់។
បេីតាមប្រភពស្និទ្ធនឹងលោក ជុំ សំនិត ប្រធានសាខាពន្ធដារខេត្តឧត្តរមានជ័យ បានឲ្យដឹងថា ដោយសារលោក ជុំ សំនិត មានខ្នងបង្អែកដ៍រឹងមាំនៅក្នុងក្រសួងសេដ្ឋកិច្ចនិងហិរញ្ញវត្ថុ ក៏ដូចជានៅក្នុងអគ្គនាយកដ្ឋានពន្ធដារ ទើបលោក ជុំ សំនិត ហ៊ានធ្វើអ្វីៗតាមអំពើចិត្តរបស់ខ្លួន។
ជាក់ស្តែងលោក គង់ វិបុល អគ្គនាយកនៃអគ្គនាយកដ្ឋានពន្ធដារ បានរក្សាភាពស្ងៀមស្ងាត់បើទោះបីរឿងអាស្រូវពុករលួយរបស់លោក ជុំ សំនិត ប្រធានសាខាពន្ធដារខេត្តឧត្តរមានជ័យ ត្រូវបានលាតត្រដាងជាបន្តបន្ទាប់យ៉ាងណាក៏ដោយ។
គួររំលឹកដែរថា កន្លងមករឿងអាស្រូវពុករលួយច្រើនបែបច្រើនយ៉ាងរបស់លោក ជុំ សំនិត ប្រធានសាខាពន្ធដារខេត្តឧត្តរមានជ័យ ត្រូវបានបណ្តាញព័ត៌មាននានាចុះផ្សាយជាបន្តបន្ទាប់។
ប៉ុន្តែលោក គង់ វិបុល អគ្គនាយកនៃអគ្គនាយកដ្ឋានពន្ធដា សម្ងំស្ងាត់ឈឹងហេតុនេះហើយទើបប្រភពខ្លះបង្ហើយឲ្យដឹងថា លោក គង់ វិបុល ជាបង្អែករឹងមាំរបស់លោក ជុំ សំនិត ប្រធានសាខាពន្ធដារខេត្តឧត្តរមានជ័យ ដែលល្បីល្បាញខាងពុករលួយ។
បេីតាមប្រភពស្និទ្ធនឹងលោក ជុំ សំនិត ប្រធានសាខាពន្ធដារខេត្តឧត្តរមានជ័យ បានបញ្ជាក់ថា÷ អំពើពុករលួយច្រើនបែបច្រើនយ៉ាងរបស់លោក ជុំ សំនិត និងបក្ខពួកជាប្រភពចំណូលរបស់លោក គង់ វិបុល?។(មានត)…!។
ចុះផ្សាយក្នុង៖ ព័ត៌មានជាតិ, ព័ត៌មាន​ពិសេស
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com