0

លោក នុត លីឆូយ មេគយចល័តតំបន់៣ ចំណាយដើមទុនអស់ច្រើនខំប្រឹងស្រង់ដើម.

មន្រ្តីគយនៅក្នុងអគ្គនាយកដ្ឋានគយនិងរដ្ឋាករកម្ពុជា បានឲ្យដឹងថា ករណីលោក នុត លីឆូយ ទទួលបានតំណែងជាមេគយចល័តតំបន់៣ ទទួលបន្ទុក៥ខេត្តគឺដោយសារមានខ្នងបង្អែករឹងមាំ ហើយចំណាយដើមទុនអស់យ៉ាងច្រើនផងដែរ។ ដូច្នេះហើយទើបលោក នុត លីឆូយ មេគយចល័តតំបន់៣ ប្រើតួនាទីនិងអំណាចប្រមូលលុយតាមច្រើនរូបភាពដើម្បីស្រង់ដើមនិងទប់តំណែងរបស់ខ្លួនឲ្យបានយូរអង្វែង។ ទោះជាយ៉ាងណារឿងអាស្រូវពុករលួយរបស់លោក នុត លីឆូយ មេគយចល័តតំបន់៣ ជារឿងមិនអាចបិទបាំងបានទេព្រោះឈ្មួញនិងអាជីវករដែលដឹកជញ្ជូនទំនិញចេញពីខេត្តព្រះសីហនុ ខេត្តកោះកុង ខេត្តកំពង់ស្ពឺ ខេត្តកែប និងខេត្តកំពត ចូលមករាជធានីភ្នំពេញ បានលាតត្រដាងជាបន្តបន្ទាប់រួចទៅហើយ។
ប្រភពពីមន្រ្តីគយក្នុងខេត្តព្រះសីហនុ បានឲ្យដឹងថា ក្នុងតំណែងជាប្រធានការិយាល័យស្រាវជ្រាវនិងបង្ក្រាបអំពើរត់ពន្ធតំបន់៣ ឬហៅថា មេគយចល័តតំបន់៣ ត្រឹមមួយរយៈពេលខ្លីគឺលោក នុត លីឆូយ សាងភាពល្បីល្បាញយ៉ាងរលូន។ ប្រភពបានឲ្យដឹងទៀតថា លោក នុត លីឆូយ មេគយចល័តតំបន់៣ ទទួលបន្ទុក៥ខេត្តគឺខេត្តព្រះសីហនុ ខេត្តកោះកុង ខេត្តកំពង់ស្ពឺ ខេត្តកំពត និងខេត្តកែប កំពុងប្រើអំណាចនិងតួនាទីប្រមូលលុយតាមរបៀបពុករលួយយ៉ាងពេញទំហឹង។ ចំណែកលោក គុណ ញឹម អគ្គនាយកគយ ព្រមទាំងលោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ បែរជាសម្ងំស្ងាត់ឈឹងទុកឲ្យលោក នុត លីឆូយ មេគយចល័តតំបន់៣ ធ្វើអ្វីៗតាមអំពើចិត្ត។
ប្រភពដែលស្និទ្ធនឹងលោក នុត លីឆូយ មេគយចល័តតំបន់៣ បានឲ្យដឹងថា ដោយសារចំណាយដើមទុនអស់ច្រើនក្នុងការទទួលបានតំណែងជាមេគយចល័តតំបន់៣ ទទួលបន្ទុក៥ខេត្តទើបលោក នុត លីឆូយ ខំប្រឹងស្រង់ដើមយ៉ាងតក់ក្រហល់។ ប្រភពបានលើកឡើងទៀតថា ការដែលលោក នុត លីឆុយ ចំណាយដើមទុនអស់ច្រើនយ៉ាងណានោះគឺមានតែលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា ទេដែលជាអ្នកដឹងច្បាស់ជាងគេ។ ទន្ទឹមនឹងនេះការដែលលោក នុត លីឆូយ មេគយចល័តតំបន់៣ មិនញញើតក្នុងការប្រព្រឹត្តអំពើពុករលួយគឺដោយសារអាងមានលោក កើត សុធារ៉ា មេគយចល័តនៃអគ្គនាយកដ្ឋានគយ ជាបង្អែកដ៏រឹងមាំចាំជួយការពារ។ (ដោយខ្មែរអនឡាញ)
ចុះផ្សាយក្នុង៖ ព័ត៌មានខ្សឹបឲ្យដឹង, ព័ត៌មានជាតិ, ព័ត៌មាន​ពិសេស, ព័ត៌មានស៊ីជម្រៅ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com