ខេត្តរតនៈគិរី៖ បើតាមប្រភពពីពលរដ្ឋ បាន លើកឡើងថា៖ បន្ទាប់ពីមានការស្ងប់ស្ងាត់ អស់មួយរយៈក្រោយមក ឃើញថា មេឈ្មួញឈ្មោះហូវ ជីវ៉ៃ ដែលធ្លាប់តែមានឈ្មាះបោះសំលេង ពូកែប្រើល្បិច កិច្ចកលដឹកជញ្ជូនឈើខុសច្បាប់ពីរមុនមក នៅក្នុងទឹកដីខេត្តរតនៈគិរីបច្ចុប្បន្ន កំពុងតែចាប់ផ្តើម កក្រើកឡើងវិញ ដោយធ្វើសកម្មភាពដឹកតាមរថយន្តសាំយ៉ុង ជាបណ្តើរៗហើយ ដោយគ្រាន់ធ្វើការផ្លាស់ប្តូរ រូបភាពជាខ្នាតតូចជាងមុនបន្តិច តែប៉ុណ្ណោះ ។
បើតាមពលរដ្ឋដែលរស់នៅ ក្នុងខេត្តរតនៈគិរី បានអោយដឹងទៀតថា៖ ពីមុនកន្លងមក ធ្លាប់តែឃើញដឹកតាមរថយន្តខ្នាតធំៗ តែឥឡូវគេផ្លាស់ប្តូរ រូបភាពថ្មីទៀត ដោយដឹកតាមរថយន្តសាំយ៉ុងវិញ ហើយនៅក្នុងនោះផងដែរ ក៏មានសរសេរជា អក្ស A នៅលើរថយន្ត ជាចំណាំ ដើម្បី កុំឲ្យសម្ថកិច្ច មានការភ័ណ្ឌច្រឡំ ទៅលើរថយន្ត ដែលខ្លួនកំពុង តែដឹកជញ្ជូនបទល្មើស ដែលឆ្លងកាត់ ជាប្រចាំនោះ។ ចំពោះបញ្ហា និងរៀបចំ ដើម្បីសាកល្បងនេះគ្រាន់តែធ្វើតេះបន្តិចសិន បន្ទាប់មក ទើបដឹកតាមរថយន្តខ្នាតធំ ឡេីងវិញដូចកាលពីមុនៗកន្លងមក ។
ប្រភពដ៏ដែលបានបន្តទៀតថា៖ នៅខេត្តរតនៈគិរី ប៉ុន្មានថ្ងៃនេះ ឃើញរថយន្តសាំយ៉ុងរបស់លោក ហូវជីវ៉ៃ ចាប់ផ្តើមធ្វើសកម្មភាពដឹកជញ្ជូនឈើខុសច្បាប់ ក្នុងមួយយប់ៗ មិនក្រោមពី30 ទៅ50 រថយន្តសាំយ៉ុងនោះទេហើយនៅក្នុងនោះ ក៌មិនមានអាជ្ញាធរ និងសមត្ថកិច្ច ចេញមកធ្វើការអន្តរាគមន៍នៅ ឡើយនោះទេ ។
ជាក់ស្តែងមានដូចជាយប់ ថ្ងៃទី ១១– ២០– ខែតុលា ឆ្នាំ ២០១៧ កន្លងទៅថ្មីៗនេះ គឺស្ថិត នៅក្នុងស្ថានភាពជាក់ស្តែង និងគួបផ្សំជាមួយបទល្មើស ថែមទៀតផង ឃើញថារថយន្តសាំយ៉ុងរបស់ លោក ហូវ ជីវ៉ៃ កំពុងតែសំរ៉ុកដឹក ឈើខុសច្បាប់ ចេញទៅប្រទេសវៀតណាមតាមច្រកអូរយ៉ាដាវ យ៉ាងពេញបន្ទុក ។
ចំពោះករណីខាងលើនេះ ធ្វើអោយមានការ ដឹកជញ្ជូនបទល្មើស នៅក្នុងខេត្តរតនៈគិរីនេះគឺផ្តើមចេញមកពីអាជ្ញាធរ និងមន្ត្រី ដែលជាប់ពាក់ព័ន្ធ នៅក្នុងខេត្តមិនអើពើ បណ្តែត បណ្តោយ អោយកើតមាន ជាបន្តបន្ទាប់ហាក់ បីដូចមានការ ឃុបឃិតគ្នា ជាប្រព័ន្ធ ដោយមិនគិតពីការបាត់បង់ ដល់ផលប្រយោជន៍ជាតិជារួម នោះឡើយ។
នេះបើតាម តាមប្រភពពី សមត្ថកិច្ច តូចតាច នៅក្នុង ខេត្តរតនៈគិរី បានលួចបង្ហើបប្រាប់អ្នកសាព័ត៌មានថា នៅតាមច្រកព្រំដែនអូយ៉ាដាវ ធ្លាប់បានបិទ មួយរយៈមកហើយ ទើបតែឥឡូវមេឈ្មួញឈ្មោះ ហូវ ជីវ៉ៃ បានចរចារ ត្រូវ រ៉ូវ គ្នា ជាមួយសមត្ថកិច្ច និងអាជ្ញាធរ នៅក្នុងខេត្ត រួចរាល់អស់ហើយ ចាប់ផ្តើមដំណើរការ សារជាថ្មីឡើងវិញ ។
ហើយនាពេលកន្លងទៅនេះ សម្តេចតេជោ ហ៊ុន សែន បានប្រកាស និងក្រើនរំលឹក ដល់មន្រ្តី រដ្ឋបាលព្រៃឈើ និង មន្រ្តីបរិស្ថាន ផងដែរថា៖ ត្រូវតែរក្សាព្រៃឈើ ឲ្យនៅគង់វង្ស ត្រូវបង្រ្កាប ឲ្យអស់រាល់បទល្មើស ព្រៃឈើ ហើយសម្តេចតេជោ បានសង្កត់ធ្ងន់ៗថា៖ វិទ្យុ ទូរទស្សន៍ កុំខ្លាច ហើយបើបានរូប អាម្ចាស់ឈើទៀត កាន់តែប្រសើរ៕
