0

លោកស្រី យូ ចន្ថា លើកដៃសំពះអង្វរសុំសម្តេចតេជោ ហ៊ុនសែនជួយរកផ្តល់យុត្តិធម៌

ខេត្តព្រះសីហនុ៖ លោកស្រី យូ ចន្ថា លើកដៃសំពះអង្វរសុំអោយសម្តេចតេជោ ហ៊ុន សែន ជួយផ្តល់យុត្តិធម៌ ករណីអាជ្ញាធរខេត្តព្រះសីហនុ គ្រោង​រុះ​រើ​​សំណង់លំនៅដ្ឋានរបស់គាត់នៅលើដី​កម្ម​សិទ្ធិ ស្របច្បាប់ដែលមានឯកសារគ្រប់គ្រាន់ស្ថិតនៅចណុចភូមិ១ សង្កត់៣ ក្រុងព្រះសីហនុ ខេត្តព្រះសីហនុ។

លោកស្រីលើកឡើងថា ដោយអាជ្ញាធរខេត្តព្រះសីហនុ បានឲ្យទៅឈ្មោះ អ៊ាន អេឡែន និងលោក យិន សារ៉ាន់ទៅវិញ។

លោកស្រីបានបញ្ជាក់ថា លោកស្រីមានឯកសារគ្រប់គ្រាន់ដូចជាលិខិត​ទិញ​លក់និងឯកសារទទួលស្គាល់ពីអាជ្ញាធរពាក់ព័ន្ធជាច្រើនទៀតក្នុងការតតាំងក្តីនៅតុលាការ។ ដួចេ្នះលោកស្រីសូមអាជ្ញាធរខេត្តព្រះសីហនុមេត្តាផ្អាកការអនុវត្តសាលដីកាសម្រេចរក្សាការពាររបស់សាលាដំបូងខេត្តព្រះសីហនុនៅថ្ងៃទី ២២ ខែ សីហា ឆ្នាំ ២០១៩។​

លើសពីនេះលោកស្រីបន្ថែមថា សុំកុំទាន់មករុះរើសំណង់លំនៅដ្ឋានរបស់ខ្ញុំព្រោះ​សំណង់នេះមិនរត់ទៅណាទេ តែសូមឲ្យអនុវត្តន៍តាមចំណារដ៍ខ្ពង់ខ្ពស់របស់ ឯកឧត្តម ជា សុផារ៉ា ជាមុនសិន។

លោកស្រីលើកឡើងថា នៅក្នុងកំឡុងពេលចាក់ដីរាប់រយឡាននៅលេីដីនោះគ្មាននរណាមកចេញមុខឃាត់ ឬទប់ស្កាត់តវ៉ាអ្វី ឡេីយ ទេីបតែពេលនេះលេចមុខមនុស្សមកធ្វេីប័ណ្ណកម្មសិទ្ធលេី ដីនេះទៅវិញ។

ស្រ្តីខាងលើបាន សូមអាជ្ញាធរខេត្តព្រះសីហនុ មេត្តាបង្កេីតគណ: កម្មាធិការស្រាវជ្រាវអំពីការកសាងប្លង់ដីអនុវត្ត តាមចំណាររបស់ឯកឧត្តម ជា សុផារ៉ា នៅភូមិ១ សង្កាត់៣ ក្រុងព្រះសីហនុ ខេត្តព្រះសីហនុ ដែលមានក្បាលដីវិញ្ញាបនបត្រសម្គាល់ ម្ចាស់អចលនវត្ថុលេខ ១៤៩៣ និងទំហំផ្ទៃក្រឡាចំនួន ៨៣៥ ម៉ែត្រការ៉េ និង មានឈ្មោះ នាង អ៊ាន អេឡែន និង លោក យិន សារ៉ាន់ ទៅវិញ។

ទាក់ទងករណីនេះមិនទាន់អាចសុំការបញ្ជាក់ពី មន្ត្រីពាក់ព័ន្ធបាន ទេ កាលពីថ្ងៃទី១៨សីហានេះ ប៉ុន្តែ មហាជនឆ្ងល់ថា តេីដីកាសម្រេចរក្សាការពារមានឥទ្ធិពលអំណាចដល់កំរិតណា?

យោងតាមលោកស្រី យូ ចន្ថា បាន អង្វរសូមគោរពលោកប្រធានមន្ទីររៀបចំដែនដីនគរបនីយកម្ម សំណង់ និងសុរិយោដី ខេត្ត ព្រះ សីហនុ មេត្តាបង្កេីតគណ:កម្មាធិការស្រាវជ្រាវអំពីការកសាងវិញ្ញា បនបត្រសម្គាល់ម្ចាស់អចលនវត្ថុលេខ១៤៩៣ ស្ថិតនៅក្នុងភូមិ ១ សង្កាត់៣ ក្រុងព្រះសីហនុ យោងទៅលេីចំណារដ៍ខ្ពង់ខ្ពស់របស់ ឯកឧត្តម ជា សុផារ៉ាចុះថ្ងៃទី១ ខែ សីហា ឆ្នាំ ២០១៩។

ចុះផ្សាយក្នុង៖ ព័ត៌មានខ្សឹបឲ្យដឹង, ព័ត៌មានជាតិ, ព័ត៌មាន​ពិសេស, ព័ត៌មានស៊ីជម្រៅ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com