កណ្តាល ៖ ប្រជាពលរដ្ឋដែលជាពុទ្ធបរិស័ទ ចំណុះជើងវត្តព្រែកតូច បានចោទប្រកាន់គណៈកម្មការ វត្តព្រែកតូចថា បានលួចលក់ដីចំណីផ្លូវសាធារណៈ ទៅឲ្យបុគ្គលធ្វើជាកម្មសិទ្ធិឯកជន ដោយមិនគិតតែពីការលំបាករបស់ប្រជាពលរដ្ឋ ពេលចូលភូមិដ្ឋាន របស់ពួកគាត់នោះទេ ។ហេតុអ្វីបានជាគណកម្មការវត្តរូបនេះអាចលក់ដីផ្លូវ សាធារណៈនេះបានហើយគេបានប្លង់កម្មសិទ្ធិមកពីណា ឬក៏មានការឃុបឃិតគ្នារវាងអាជ្ញាធរគ្រប់លំដាប់ថ្នាក់បានជាលក់ស្ងាត់ៗដូច្នេះទៅវិញ។
កាលពីអំឡុងឆ្នាំ៩០ជាងប្រជាពលរដ្ឋ និងព្រះចៅអធិវត្តព្រះមីបានឈ្លោះគ្នា ជាមួយប្រជាពលរដ្ឋបែកផ្សែងរឿងផ្លូវខាងលើ ដោយពេលនោះមានផ្ទះប្រជាពលរដ្ឋមួយចំនួនលយ ចូលទៅក្នុងដីវត្ត ក្រោយមកព្រះអង្គ ក៏បានសម្រេចដោះដូរដី ជាមួយប្រជាពលរដ្ឋ ដើម្បីព្រះអង្គរៀបចំ របងវត្ត ដោយបានកាត់ទៅឲ្យ ប្រជាពលរដ្ឋត្រឹមរបង បច្ចុប្បន្ន ប៉ុន្តែរហូតដល់អំឡុងខែកុម្ភៈ ឆ្នាំ២០១៥នេះ ស្រាប់តែឬមានគណកម្មការវត្តម្នាក់ឈ្មោះ រ៉ា ហៅ គ្រូរ៉ា បានស៊ីសុះគ្នាជាមួយព្រះចៅអធិការ ក៏ដូចជា អាចារ្យវត្តមួយចំនួនផងដែរ ។
ពួកគេបានយកគ្រឿងចក្រមកឈូសឆាយផ្លូវខាងលើនិងដឹកថ្មក្រាលផងដែរ រួច ហើយបានច្រៀដីចំណីផ្លូវមួយជ្រុងលក់ទៅឲ្យឈ្មោះ គល់ ដែលជាប្រជាពលរដ្ឋរស់នៅក្បែរនោះដែរ ទើបពួកគាត់មាន ការងឿងឆ្ងល់ថា ហេតុអ្វីបានជាសម័យគណ កម្មការវត្តឈ្មោះ រ៉ា នេះមកយកដីផ្លូវ សាធារណៈ លក់បាន ហើយគេបានប្លង់កម្មសិទ្ធិមកពីណា អ្នកណាជាអ្នក ចេញឲ្យឬស៊ីញ៉េ និងបោះត្រាឲ្យ ឬមួយក៏លួចលក់ និងលួចសង់ផ្ទះដោយគ្មានប្លង់កម្មសិទ្ធិ បើដូច្នេះមែនអាជ្ញាធរ គួរតែចុះពិនិត្យ សំណង់ផ្ទះមួយល្បែងនេះផងទាន កុំទុកឲ្យជនមួយក្តាប់តូចរំលោភយកដីផ្លូវឬក៏ដីរដ្ឋលក់តាមតែ អំពើចិត្តបែបនេះ។
គណកម្មការវត្តរូបនេះមិនត្រឹមតែហ៊ានលក់ដីផ្លូវសាធារណៈប៉ុណ្ណោះនោះទេ សូម្បីតែដីក្នុងបរិវេណវត្ត ក៏គេចេះច្នៃពុះច្រៀកលក់ជាកង់ៗ ផងដែរ ពេលដែលមានពុទ្ធបរិស័ទត្រូវការ សាងសង់ចេតីយ៍ សម្រាប់តម្កល់ធាតុឪពុកម្តាយ ឬសាច់ញាត់របស់គេ ដែលបានលាចាកលោកទៅនោះ គណកម្មការវត្តរូបនេះតែងតែតម្រូវឲ្យអ្នកមកសុំសាង់សង់ចេតីយ៍ក្នុងវត្តទាំងអស់នោះបង់លុយឲ្យ ដោយយកលេសថាយកទៅកសាងវត្តដោយ១ប្លង់តម្រូវឲ្យបង់មិនតិចពាន់ដុល្លារនោះទេ ប៉ុន្តែគេពុំដែលឃើញវត្តមានការរីកចំរើនអ្វីទេហើយសមិទ្ធផលដែលបានកើតឡើងកន្លងមកគឺដោយសារតែមានការចូលរួមពីពុទ្ធបរិស័ទដដែល ពួកគាត់ឆ្ងល់ថា តើ គណកម្មវត្តយកលុយទាំងនោះទៅណា ។
ការដែលគណកម្មការសម្រេចលក់ដី មួយជ្រុងនោះដោយ សារតែ គេថា ដីនោះជាដីវត្តដោយកន្លងមកប្រជាពលរដ្ឋសុំវត្តធ្វើដំណើរ ដូច្នេះទើបគណកម្មការ វត្តសម្រេចលក់ដីនេះមួយជ្រុង ប៉ុន្តែទុកដីមួយចំនួនធ្វើផ្លូវឲ្យប្រជាពលរដ្ឋធ្វើដំណើរដដែល គឺមិនបិទនោះទេ ហើយការលក់នេះក្នុងគោលបំណងយកទៅកសាងចេតីយ៍ឲ្យព្រះចៅអធិការវត្តព្រះដែលលោកបានសុគតជាច្រើនឆ្នាំមកហើយ ដើម្បីតបស្នងទៅនឹងការខិតខំកសាងវត្តរបស់ព្រះអង្គតាំងពីដំបូងមកម្ល៉េះ។
សមិទ្ធផលមួយចំនួនដែលបានកើតឡើងជាបន្តបន្ទាប់ នោះមិនមែនបានមកពីលក់ដីផ្លូវឬដីវត្តនោះទេ គឺបានមកពីការចូលរួមរបស់ពុទ្ធបរិស័ទគ្រប់ទិសទី ប៉ុន្តែ ហេតុអ្វីបានជាគ្រាន់តែចេតីយ៍តូចមួយចាំបាត់ទាល់តែ លក់ដីផ្លូវសាធារណៈឬដីវត្តយកស្ថាបនាទើប កើតបាន។
រឿងកសាងចេតីយ៍គឺជាលេសរបស់គណកម្មវត្តនោះតែប៉ុណ្ណោះ ដើម្បីរៀបចំ លក់ដីនោះ ហើយគេបានលុយយកមកចែកគ្នាតាម លំដាប់លំដោយ ហើយម្យ៉ាងវិញទៀតទោះបីជាស្ថាបនាអ្វីក៏ ដោយក៏មិនត្រូវមកលក់ដីផ្លូវរបស់ពួកគាត់ដែរ ។ ទាក់ទិននិងការចោទប្រកាន់របស់ប្រជាពលរដ្ឋនោះនៅពុំអាចទំនាក់ជាមួយគណកម្មការវត្តខាងលើ ដើម្បីសុំការបំភ្លឺបានទេ៕