ខេត្តបន្ទាយមានជ័យ ៖ ប្រសិនបើពុំមាន វិធានការដ៏តឹងតែងពីថ្នាក់ដឹកនាំអគ្គ ស្នងការនគរបាលជាតិ ក៏ដូចជាអង្គភាព នាយកដ្ឋាននគរបាលប្រឆាំងបទល្មើស សេដ្ឋកិច្ចក្រសួងមហាផ្ទៃទេនោះ សកម្ម ភាពរបស់នាយនគរបាលដែលចុះទៅ ឈរជើងតាមខេត្ដនីមួយៗក្នុងបេសក កម្ម សើុបអងេ្កតស្រាវជ្រាវបទល្មើស សេដ្ឋកិច្ច កំពុងប្រព្រឹត្ដនូវភាពមិន ប្រក្រតីដ៏ធ្ងន់ធ្ងរក្នុងរឿងអំពើពុករលួយ គាបជំរិតបង្ខំឱ្យឈ្មួញរកសីុគ្រប់ប្រភេទ បង់ប្រាក់តាមរយៈការដាក់កុងត្រូលជជុះ ក៏ដូចជាទីតាំងក្រុមហ៊ុនរកស៊ីនីមួយៗ ។
គេបានរាយការណ៍មកថា លោកស័ក្ដិ ៤ឡុង សំអឿន មិនដឹងជាត្រូវបង់ប្រាក់ សម្រាប់ថ្នាក់លើក្នុងមួយខែៗប៉ុន្មានមឺុន ដុល្លារទេ បុគ្គលរូបនេះកំពុងតែ អនុវត្ដ ប្រាសចាកនឹងថ្នាក់លើ ក៏ដូចជាលិខិត បេសកកម្មដែលចេញដោយអគ្គស្នងការ នគរបាលជាតិ ក៏ដូចជាថ្នាក់ដឹកនាំ នាយកដ្ឋាននគរបាលប្រឆាំងបទល្មើស សេដ្ឋកិច្ចក្រសួងមហាផ្ទៃ ។ យ៉ាងតិច មានកុងត្រូលជជុះជាង១០កន្លែងដែល ត្រូវបានលោកស័ក្ដិ៤ឡុង សំអឿន ដាក់ ពង្រាយសម្រាប់ជាការប្រមូលប្រាក់ពី ឈ្មួញដឹកទំនិញគ្រប់ប្រភេទ ដោយពុំបាន គិតថាមានច្បាប់ ឬពន្ធនាំចូលយ៉ាងណា នោះឡើយ ។
លោកស័ក្ដិ៤ ឡុង សំអឿន កំពុងមាន អំនួតថា ខ្លួនជានាយនគរបាលសេដ្ឋកិច្ច របស់ក្រសួង ក្នុងឥទ្ធិពលដោយអំណាច ធំធេងក្នុងការតម្រូវឱ្យឈ្មួញរកសីុត្រូវបង់ ប្រាក់ ក្នុងនោះរួមទាំងការដឹកជពា្ជូនឈើ ល្មើសច្បាប់ផងដែរ ។ ក្រុមឈ្ម្មួញបាន និយាយថា មួយម៉ាត់ណាក៏លោកឡុង សំអឿន រួមទាំងកូនចៅរបស់ខ្លួនដែល បានឈរជើងដាក់កុងត្រូលជជុះក្នុងទឹកដី ខេត្ដបន្ទាយមានជ័យ ខេត្ដសៀមរាប ពិសេសនៅតាមតំបន់ច្រកព្រំដែនក្នុង ខេត្ដបន្ទាយមានជ័យតែម្ដង គឺលោក ស័ក្ដិ៤ឡុង សំអឿន បានពង្រាយកូនចៅ ស្ទើរតែមួយស្រុកចំនួន១កន្លែងសុទ្ធតែធ្វើតាមបញ្ជាថ្នាក់លើ ។
ថ្នាក់ដឹកនាំខ្លះនៅក្នុងនាយកដ្ឋាននគរ បាលប្រឆាំងបទល្មើសសេដ្ឋកិច្ចក្រសួង មហាផ្ទៃបាននិយាយថា លោកស័ក្ដិ៤ ឡុង សំអឿន ពេលខ្លះមិនស្ដាប់ មិនអនុវត្ដ តាម ឬមិនជ្រលក់មាត់ជាមួយនាយ នគរបាលថ្នាក់អនុប្រធាននាយកដ្ឋានទេ មិនដឹងជាគេខ្លាចថោក ឬក៏យល់ឃើញ ថា ថ្នាក់ដឹកនាំក៏ដោយ បើពុំផ្ដល់លទ្ធ ភាពឱ្យគេដាក់កុងត្រូលជជុះអនាធិប តេយ្យដើម្បីប្រយោជន៍សេដ្ឋកិច្ច គឺឡុង សំអឿន មិនគោរព ។ សំខាន់គោរពតែ អ្នកណាដែលឃុបឃិតជាមួយខ្លួនដើម្បី ទាញយកប្រយោជន៍ពីការដាក់កម្លាំង គាបសង្កត់ពីឈ្មួញរកសីុខុសច្បាប់ ។
ក្រុមឈ្មួញនិយាយថា ពីមុនលោក ឡុង សំអឿន មានវត្ដមានប្រមូលលុយ ពីឈ្មួញដឹកឈើក្នុងខេត្ដសៀមរាប ប៉ុន្ដែ បច្ចុប្បន្ន បុគ្គលរូបនេះពង្រីកឥទ្ធិពល បង្កើតកុងត្រូលជជុះដ៏អនាធិបតេយ្យក្នុង ខេត្ដបន្ទាយមានជ័យ ខេត្ដសៀមរាប គ្រប់ទំនិញទាំងអស់ រួមទាំងបទល្មើសដឹក ជពា្ជូនឈើផងដែរ មិនអាចគេចផុតពី កុងត្រូលជជុះរបស់ខ្លួន ក៏ដូចជាការបង់ ប្រចាំខែ ។
មន្ដ្រីនគរបាលបានធ្លោយឱ្យដឹងថា លោក ឡុង សំអឿន ដើម្បីប្រយោជន៍ បុគ្គលផ្ទាល់ខ្លួន គាត់មិនត្រឹមយកបុណ្យ ស័ក្ដិតួនាទីក្នុងនាមជានាយនគរបាល ប៉ុណ្ណោះទេ ក្នុងនោះ ថ្នាក់ដឹកនាំនាយក ដ្ឋាន ក៏ដូចជាអគ្គស្នងការនគរបាលជាតិ ត្រូវបានគាត់យកទៅប្រើប្រាស់ដើម្បី គាបសង្កត់ទៅលើឈ្មួញរកសីុ។
ចំពោះបញ្ហាទាំងអស់នេះហើយជាបច្ច័យដ៏ អាក្រក់កំពុងជះឥទ្ធិពលមកលើថ្នាក់ដឹក នាំ ក៏ដូចជាប៉ះពាល់ដល់អារម្មណ៍របស់ អ្នករកសីុស្របច្បាប់ កំពុងប្រឈមនឹង ការគាបសង្កត់ពីក្រុមនគរបាលពុក រលួយ និងបំពានច្បាប់ទាំងនេះ។ ពិសេស មួយម៉ាត់ណាក៏លោកឡុង សំអឿន អះ អាងបន្លាចឈ្មួញថា ខ្លួនអនុវត្ដតាមថ្នាក់ លើ និងប្រមូលលុយទាំងនេះបង់ជូនថ្នាក់ លើទៀតផង ។
បើទោះជាមានការលើកឡើងបែប នេះក៏ដោយ សហការីសារព៏ត៌ចាប់ដៃមិនអាចទាក់ទង បានទេពីលោកស័ក្ដិ៤ ឡុង សំអឿន កាល ក៏ ដូចជាលោកឧត្ដមសេនីយ៍ឯក ជា សុមេធី អគ្គស្នងការរងនគរបាលជាតិ និងជា ប្រធាននាយកដ្ឋាននគរបាលប្រឆាំងបទ ល្មើសសេដ្ឋកិច្ចក្រសួងមហាផ្ទៃ ៕ 
