ត្បូងឃ្មុំ៖ សេចក្តីរាយការណ៍ពីខេត្ត ត្បូងឃ្មុំ កាលពីពេលថ្មីៗនេះ បានឱ្យដឹងថាឈើប្រណីតនៅ តែចររាចរណ៍រៀងរាល់ថ្ងៃ ទោះបីជាប្រទេសវៀតណាមផ្អាកការ នាំចូលឈើពីកម្ពុជាតាមច្រក ព្រំដែននានាក៏ដោយក៏សកម្មភាពដឹកប្រមូលឈើរក្សាទុក នៅតាមកន្លែងនានានៅក្នុង ខេត្តត្បូងឃ្មុំនៅតែកើតមាន ឡើងជារៀងរាល់ថ្ងៃ ដោយឈ្មួញរកស៊ីទិញលក់ឈើ ប្រណីតទាំងអស់នោះនៅតែ លបលួចបញ្ចោញឈើទៅ ប្រទេស វៀតណាមដដែល ។ ដោយសារតែក្រុមឈ្មួញទាំង អស់នោះយល់ឃើញថា ជា ឱកាសដ៏ល្អប្រសើរមួយរបស់ ខ្លួនដែលទិញឈើប្រណីតបាន ថោកហើយយកទៅរក្សាទុក ដើម្បីដឹកទៅលក់នៅប្រទេស វៀតណាមតាមច្រកព្រំដែន នានាក្នុង ទឹកដីស្រុកត្បូងឃ្មុំ ។
ប្រភពខាងដើម បានបន្តឱ្យដឹងទៀតថា មេ ឈ្មួញរកស៊ីដឹកឈើប្រណីត ទាំងនោះ មានឈ្មោះ កែវ ជាអ្នកតំណាងឱ្យឈ្មួញរកស៊ី ឈើនៅក្នុងស្រុកមេមត់ ខេត្ត ត្បូងឃ្មុំចេញមុខដោះស្រាយ ជូនសមត្ថកិច្ចជំនាញនានា ព្រមទាំងអាជ្ញាធរមូលដ្ឋាន ចាប់ពីថ្នាក់តូចរហូតទៅដល់ ថ្នាក់លើទើបអាចធ្វើការដឹក ជញ្ជូនឈើបានយ៉ាងងាយ ស្រួល បែបនេះ ។
ប្រភពដដែលបានបន្តឱ្យ ដឹងទៀតថា មេឈ្មួញរត់ការ ឈ្មោះ កែវ និងមេឈ្មួញដទៃ ទៀតបានដឹកឈើយកទៅលក់ ឱ្យមេឈ្មួញវៀតណាមតាម ច្រកព្រំដែនដូចជា ច្រកចាន់ មូល ច្រកជាំក្រវៀន, ច្រក ដូនរ័ត្ន, ច្រកដូងប្រាំពីរដើម, ច្រក ៧មករា និងច្រកស្អំ ។ មេឈ្មួញកែវនេះបានចែក ចាយលុយដល់សមត្ថកិច្ចតាម ប៉ុស្តិ៍ច្រកព្រំដែនទៀត ទើប អាចដឹកឈើទៅដល់ទឹកដី វៀតណាមបាន ។
ប្រភពដដែលបានបន្តឱ្យ ដឹងទៀតថា ការប្រព្រឹត្តអំពើ ពុករលួយជាប្រព័ន្ធជាសេនារីយោបែបនេះដូចជា សកម្ម ភាពរបស់ឈ្មោះ កែវ ជា មួយសមត្ថកិច្ចពាក់ព័ន្ធនានា ជាពិសេសមន្ត្រីរដ្ឋបាលព្រៃ ឈើរួមទាំងអ្នកគ្រប់គ្រងតាម បណ្តា ប៉ុស្តិ៍ច្រកទ្វារអន្តរជាតិ និងច្រករបៀងផ្សេងៗទៀត នោះ ទើបធ្វើឱ្យការអភិរក្ស រក្សាការពារព្រៃឈើនៅ កម្ពុជា ពុំអាចធ្វើទៅបាន ដោយសារតែក្រុមជនបំផ្លាញ ព្រៃឈើមានកម្លាំងនិងសមត្ថភាពខ្ពស់ទើបពុំអាចធ្វើការ ទប់ស្កាត់ឬបង្ក្រាបបាននោះ ឡើយ ។
តាមព័ត៌មានដដែលបាននិយាយថាលោក កែវ បានសហការជាមួយលោកថុល លោក ធៀម ដែន ហៅតក់ ដែលជា មន្ត្រីប៉ូលិសប៉ុស្តិ៍បឹងជ្រោង និងមន្ត្រីដទៃទៀតនៅពី ក្រោយលោក កែវ មានជំនាញ កាន់លុយចែកចាយជូនសមត្ថកិច្ចពាក់ព័ន្ធទាំងអស់នោះ ដោះដូរក្នុងការមិនបង្ក្រាប ការដឹកជញ្ជូនបទល្មើសព្រៃ ឈើទៅប្រទេសវៀតណាម។
ករណីបទល្មើសព្រៃឈើនេះដែលរាជរដ្ឋាភិបាលកំពុងហាមឃាត់ មិនឱ្យជនទាំងឡាយប្រព្រឹត្តបទល្មើសក្នុងការកាប់បំផ្លាញ ព្រៃឈើនោះឡើយ ។ ទោះ បីប្រមុខរាជរដ្ឋាភិបាលហាម ឃាត់យ៉ាងណាក៏ដោយក្រុម ឈ្មួញទាំងអស់នោះមិនស្តាប់ ដែរ ។ ក្នុងសកម្មភាពបទល្មើស ព្រៃឈើក្នុងនោះក៏មានការ ចូលរួមពីសមត្ថកិច្ចពាក់ព័ន្ធ គ្រប់លំដាប់ថ្នាក់មួយចំនួនផង ដែរ ក្រុមមន្ត្រីទាំងអស់នោះ ប្រឆាំងបទបញ្ជាប្រមុខរាជរដ្ឋាភិបាលដោយចំៗថែម ទៀតផង ។
កាលពីពេលថ្មីៗកន្លងទៅនេះនៅយប់ ថ្ងៃទី៣០ឈានចូល ថ្ងៃទី៣១ ខែកក្កដា ឆ្នាំ២០១៤ វេលា ម៉ោង២.០០នាទីនៅចំណុច ភូមិដូង ឃុំជាំក្រវៀន មាន រថយន្ត យីឌុប ៥ភ្លៅ ពណ៌ ខៀវគ្មានស្លាកលេខផ្ទុកឈើ ពេញមួយរថយន្តដឹកឈើធ្នង់ ក្រទ្បាប់ ត្រូវបានគេស្គាល់ថា អ្នករត់ ការឈ្មោះ កែវ និង អ្នកមើល ផ្លូវឈ្មោះ ខុន បំរើការនៅកងរាជអាវុធហត្ថ ស្នាក់ការសន្តិសុខ ៧០២ ។ រថយន្តដឹកឈើធ្នង់ជាង ៣០ ម៉ែត្រគូប បានក្រទ្បាប់ ផ្ងារជើងទ្រមេឃធ្លាយចេញ សុទ្ធតែឈើប្រណីតហើយអ្នក បើកបររថយន្តបានដាក់មេ ប្រូចទៅបាត់ ខណៈនោះផង ដែរក៏មានឃើញរថយន្តលុច ស៊ីសមីនី៣០០ ពណ៌ទឹកប្រាក់ មកធ្វើអន្តរាគមន៏ដើម្បីរំដោះ យកឈើទាំងនោះ ប៉ុន្តែអ្នក មកអន្តរាគមន៏ក៏ត្រូវដាក់មេ ផាយទៅបាត់ផងដែរគឺដោយ សារតែមានអ្នកសារពត៏មាន ជាច្រើននាក់ទៅដល់កន្លែង កើតហេតុ ។
ប្រជាពលរដ្ឋដែលឃើញ ហេតុការណ៍ខាងលើដែល លក្ខណៈសូមមិនបញ្ចោញ ឈ្មោះបានឱ្យដឹងថាឈើទាំង នោះគឺជាឈើរបស់ លោក កែវ ជាអ្នករត់ការតំណាង លោកឧកញ៉ា អុល ហើយនឹង ម្នាក់ទៀតឈ្មោះ ខុន អនុបញ្ជាការកងរាជអាវុជហត្ថ ស្នាក់ការសន្តិសុខ ៧០២ ជា អ្នកមើលផ្លូវឱ្យ លោកឧកញ៉ា អុល ផងដែរ ។
ច្រកជាំក្រវៀន ហៅទន្លេ ចាម ស្ថិតនៅភូមិដូង ឃុំជាំ ក្រវៀន ស្រុកមេមត់បានក្លាយ ទៅជាផ្លូវច្រកសំរាប់ក្រុម ឈ្មូញរកស៊ីដឹកជញ្ជូនឈើ ប្រណីតខុសច្បាប់ទៅលក់នៅ ប្រទេសវៀតណាមតាមច្រក ជាំក្រវៀនជារៀងរាល់យប់ ដោយគ្មានសម្ថកិច្ចពាក់ព័ន្ធ ណាមួយធ្វើការបង្ក្រាបទ្បើយ។
អង្គភាពសារព័ត៌មានយើងមិនអាចធ្វើ ការទំនាក់ទំនងសុំការបំភ្លឺពី លោកឧកញ៉ា អុល និងលោក កែវ លោក ខុន បានទេ នូវព័ត៌មានពាក់ព័ន្ធខាងលើនេះ។