លោក ជាម សៅ ត្រូវបានគេ ស្គាល់ថា គឺជាមនុស្សដ៏ជំនិតបំផុតរបស់ លោក កែវ សុខឃាង ដែលមាន ជំនាញក្នុងការស្វែងរកប្រភពចំណូល យកទៅជូនគាត់កាលនៅគ្រប់គ្រងជា មេគយបង្ក្រាបអំពើរត់គេចពន្ធទូទាំង ប្រទេស ។ ហើយបើទោះបីជាលោក កែវ សុខឃាង ត្រូវបានផ្លាស់ប្តូរតំណែង ទៅគ្រប់គ្រងកន្លែងផ្សេងជាប្រធាននាយកដ្ឋានរួចពន្ធតំបន់សេដ្ឋកិច្ចពិសេសក៏ដោយ ចំពោះលោក ជាប សៅ នូវតែជា ស្តេចក្រាញ់គ្រប់គ្រងតំណែងជាមេគយ ចល័តបង្ក្រាបអំពើរត់គេចពន្ធផ្លូវទឹក ដដែល និងជាគ្រាប់ពេជ្រដ៏មានតម្លៃ បំផុតសម្រាប់លោក កើត សុធារ៉ា ជាមេគយបង្ក្រាបអំពើរត់គេចពន្ធទូទាំង ប្រទេសដែលទើបតែទទួលបានការតែង តាំងថ្មី ។
ក្នុងតួនាទីជាមេគយចល័តបង្ក្រាប អំពើរត់គេចពន្ធខុសច្បាប់ផ្លូវទឹកទាំងលើ ផ្ទៃសមុទ្រនិងទន្លេ លោក ជាម សៅ បានប្រព្រឹត្តអំពើយ៉ាងអនាធិបតេយ្យបំផុត មិនដែលមានការបង្ក្រាបឱ្យឃើញស្នាដៃ ដើម្បីបង្អួតថ្នាក់លើម្តងណាឡើយ ។ ផ្ទុយទៅវិញ លោក ជាប សៅ បែរ ជាយកអំណាចក្នុងតួនាទីជាមេគយ ចល័តផ្លូវទឹកនៅគៀងគរក្រុមឈ្មួញរកស៊ី ទាំងស្របច្បាប់និងខុសច្បាប់ទាំងតូច ទាំងធំឃុបឃិតគ្នាប្រព្រឹត្តអំពើពុករលួយ អនុញ្ញាតឱ្យដឹកជញ្ជូននាំចូលយ៉ាងគគ្រឹក គគ្រេងគ្មានការត្រួតពិនិត្យ ។
មានការលើកឡើងថាមូលហេតុដែល លោក ជាម សៅ អាចបន្តរក្សា តំណែងខ្លាញ់មួយនេះបាន ព្រោះគាត់ ក៏ធ្លាប់មានទំនាក់ទំនងយ៉ាងស្និទ្ធស្នាល ផងដែរ កាលពីសម័យលោក កើត សុធារ៉ា នៅដឹកនាំជាប្រធានសាខាគយ និងរដ្ឋាករខេត្តព្រះសីហនុ ម្យ៉ាងវិញ ទៀត ដោយសារតែគាត់(លោក ជាប សៅ) ជាមនុស្សចេះយកចិត្តយកថ្លើម មេកើយ ថែមទាំងមានជំនាញក្នុងការ គៀងគរក្រុមឈ្មួញដើម្បីប្រមូលលុយ តាមរបៀបពុករលួយផងនោះ ទើប លោក កើត សុធារ៉ា មិនអាចអត់ លោក ជាប សៅ បានជាដាច់ខាត។
រំលឹកពីអតីតភាពរបស់លោក ជាម សៅ ដំបូងឡើយ គាត់គ្រាន់តែជាមន្ត្រី គយតូចតាចម្នាក់ប៉ុណ្ណោះ ក្រោយមក ក៏ទៅគ្រប់គ្រងដឹកនាំជាប្រធានក្រុម គយចល័តផ្លូវជាតិលេខ៤បានមួយរយៈ បន្ទាប់មកក៏ត្រូវបានថ្នាក់លើផ្លាស់ប្តូរទៅ ធ្វើជាប្រធានក្រុមដឹកនាំគយចល័តផ្លូវ ជាតិលេខ៥ ចាប់ពីចំណុចស្រុកកំពង់ ត្រឡាចខេត្តកំពង់ឆ្នាំង រហូតទៅដល់ ខេត្តបន្ទាយមានជ័យ ដែលកាលណោះ តាមនៅចាំក្រុមមន្ត្រីគយចល័តរបស់ លោក ជាប សៅ បានចាប់រថយន្ត ដឹកទំនិញមួយគ្រឿងដែលមានបង់ពន្ធ ត្រឹមត្រូវតាមច្បាប់បង្ខំឱ្យម្ចាស់ទំនិញបង់ លុយរហូតធ្វើឱ្យម្ចាស់ទំនិញមានប្រតិកម្ម យ៉ាងខ្លាំង ផ្អើលដល់ថ្នាក់លើ និងរងការស្តីបន្ទោសយ៉ាងចាស់ដៃផងដែរ។
ក្នុងតួនាទីជាប្រធានក្រុមគយចល័ត ផ្លូវជាតិលេខ៥ មិនទាន់បានពីរខែស្រួល បួលផង លោកជាម សៅ ត្រូវបាន លោក កែវ សុខឃាង លើកស្ទួយ ឱ្យទៅធ្វើជាមេគយចល័តផ្លូវទឹករហូត មកទល់និងសព្វថ្ងៃធ្វើឱ្យឱ្យគាត់សប្បាយ ចិត្តក្នុងការប្រមូលលុយដែលមិនចេះរីង ស្ងួតយកទៅច្រកហោប៉ៅ ធ្វើមានបាន ផ្ទាល់ខ្លួន និងសម្រាប់មេៗថ្នាក់លើយ៉ាង កាក់កបបំផុត ។
អ្វីដែលគួរឱ្យកត់សម្គាល់នោះ គឺថា ក្រោយពីលោក ជាម សៅ បានឡើង ធ្វើជាមេគយចល័តផ្លូវទឹកកាលណាមក គេតែងតែសង្កេតឃើញក្រុមឈ្មួញរកស៊ី ទាំងតូចទាំងធំណាត់ជួបលោក ជាប សៅ ក្នុងន័យសុំស្គាល់ឬធ្វើការទំនាក់ ទំនងការងារជាមុន ធ្វើឱ្យលោក ជាប សៅ ពីមួយថ្ងៃទៅមួយថ្ងៃរវល់ស្ទើរតែ រកពេលដេកពួនពុំបាន។
មិនតែប៉ុណ្ណោះ លោក ជាប សៅ ក៏បានធ្វើការដាក់ ពង្រាយមន្ត្រីរបស់ខ្លួននូវតាមបណ្តាខេត្ត មួយចំនួនដែលជាតំបន់សេដ្ឋកិច្ចជាប់ សមុទ្រដើម្បីចាំប្រមូលយកលុយពីសកម្ម ភាពដឹកជញ្ជូនទំនិញគ្រប់ប្រភេទ មានដូច ជាខេត្តកោះកុងគ្រប់គ្រងដោយឈ្មោះ ជឿន វ៉ុន ទី តាំងឈរជើងនៅចំណុច ផែវាលខ្សាច់ ខេត្តព្រះសីហនុ គ្រប់គ្រង ដោយឈ្មោះ ឡាយ ឆវ័នឌីម៉ា ទីតាំង ឈរជើងនៅផ្លូវចូលកោះព្រាប និងនៅ ខេត្តកំពត គ្រប់គ្រងដោយឈ្មោះ ស្រី សុធី ទីតាំងឈរជើងនៅចំណុចផែ កំពង់កណ្តាលហៅ (ភូមិចាម) ដែល តាមប្រភពទំនងយកជាការអះអាងថា ទីតាំងទាំងបីកន្លែងខាងលើនេះសុទ្ធតែ មានការដេញថ្លៃពីលោក ជាម សៅ ទៀតផង ដែលជារៀលរាល់ចុងខែ ទើបគាត់(ជាមសៅ)ឡើងទៅប្រមូល លុយម្តងដែលក្នុងមួយខែៗមិនតិចម៉ឺន ដុល្លារឡើយ ។
បច្ចុប្បន្នទំនិញនាំចូលពីក្រៅប្រទេស តាមផ្លូវសមុទ្រមានភាពគគ្រឹកគគ្រេង ដែលភាគច្រើន គឺជាទំនិញបង់ពន្ធមិន គ្រប់ឬបង់ត្រឹមតែ២០ទៅ៣០ភាគរយ ប៉ុណ្ណោះ ឬក៏ទំនិញគេចពន្ធតែម្តង ដូច ជាប្រេងសាំង ទំនិញចម្រុះគ្រប់មុខ ទំនិញចាប់ហួយ រថយន្ត គ្រឿងបន្លាស់ រថយន្ត ស្រាបៀរ ភេសជ្ជៈគ្រប់មុខ គ្រឿងកំប៉ុង គ្រឿងឧបភោគ-បរិភោគ ហើយនិងគ្រឿងសំណង់ជាដើម ដែល ក្រុមមន្ត្រីគយចល័តផ្លូវទឹករបស់លោក ជាប សៅ ឃុបឃិតជាមួយពួកឈ្មួញ រកស៊ីប្រព្រឹត្តអំពើពុករលួយមិនធ្វើការ ត្រួតពិនិត្យផ្ទុយពីយុទ្ធសាស្ត្រ៤ចំណុចរបស់ គយ គឺទី១-លទ្ធផលទិសដៅឆ្នាំចាស់ និងលើកយកទិសដៅឆ្នាំថ្មី ទី២-ដោះ ស្រាយប្រព័ន្ធអសមត្ថភាពរបស់គយ ទី៣-ជម្រុញផ្នែកច្បាប់គយឱ្យមានប្រ-សិទ្ធភាព និងទី៤-ជម្រុញអធិការកិច្ច គយឱ្យមានប្រសិទ្ធភាព ធ្វើឱ្យរដ្ឋបាត់ បង់ចំណូលពន្ធរាប់សិបលានដុល្លារ ក្នុងមួយខែៗ
