គេហទំព័រ ចាប់ដៃ | ព័ត៌មានថ្មីៗទាន់ហេតុការណ៏ » លោក ម៉ឹង យូឡេង ប្រធានមន្ទីរសាធារណការខេត្តកណ្ដាលពុករលួយតាមតែអំពើចិត្ត!
0

លោក ម៉ឹង យូឡេង ប្រធានមន្ទីរសាធារណការខេត្តកណ្ដាលពុករលួយតាមតែអំពើចិត្ត!

ខេត្តកណ្តាល៖ ប្រពភពចេញពីមន្ត្រី​នៅក្នុង​មន្ទីរ​សាធារណការ  និង​ដឹកជញ្ជូន​ខេត្តកណ្ដាល បាន​ឲ្យ​ដឹងថា​អំពើពុករលួយ ​របស់លោក ម៉ឹង  យូ​ឡេង  ជា​ប្រធាន​ មន្ទីរ និង​លោក ជួរ  ឈុន​ឡេង ជា​អនុប្រធាន​មន្ទីរ  មាន​ទំហំ​កាន់តែ​ធំ​ឡើង ៗ​ហើយក៏​អាចមាន​កា រឃុបឃិត​បើក ដៃ​ពី​សំណាក់ ​មន្ត្រីជាន់ខ្ពស់​ក្នុង​ក្រសួង​សាធារណការ​ផងដែរ​។

ប្រការនេះ​ប្រសិនបើ​លោក  ស៊ុន ចាន់ថុល  រដ្ឋមន្ត្រីក្រសួង​សាធារ ណការ និង​ដឹកជញ្ជូន  មិន​ជាប់​ពាក់ព័ន្ធ​ផល ប្រយោជន៍​ទេនោះ គួរ​ចាត់វិធានការ​ជាក់ស្ដែង​ទៅលើ​ប្រធាន​និង​អនុប្រធាន​មន្ទីរ​សាធារណការ​ខេត្តកណ្ដាល​ជាបន្ទាន់​។ លើស​នេះ​ទៅទៀត​ពេល​ផ្លូវជាតិ ផ្លូវលំ ក្នុង​ខេត្តកណ្ដាល រង​ការខូចខាត​តិចតួច​គឺ​លោក ម៉ឹង យូ​ឡេង មិន​ចាត់វិធានការ​ជួសជុល​ឲ្យ​បាន​ទាន់ពេលវេលា​ឡើយ គឺ​ទាល់តែ​ខូច​ខ្លាំង​ទើប​ធ្វើ​គម្រោង​ជួសជុល​ដើម្បី​ងាយស្រួល​ក្នុងការ​កេងប្រវ័ញ្ច​ថវិការដ្ឋ​តាម​អំពើ​ចិត្ត​។

រឿងអាស្រូវ​ពុករលួយ​របស់លោក ម៉ឹង យូ​ឡេង និង​បក្ខពួក​មិនមែនជា​រឿង​ថ្មីៗ​នោះទេ ហើយ​ការដែល​លោក ស៊ុន ចាន់ថុល ចេះតែ​មើលរំលង​គឺជា​មូល​ហេតុដែល​នាំ​ឲ្យ​មានការ​សង្ស័យថា​លោក ស៊ុន ចាន់ថុល ជា​អ្នក​បើកដៃ​ឲ្យ​លោក ម៉ឹង យូ​ឡេង និង​បក្ខពួក​ធ្វើ​អ្វីៗ​តាមចិត្ត។

រឿងអាស្រូវ​ពុករលួយ​របស់លោក ម៉ឹង យូ​ឡេង ប្រធាន​មន្ទីរ​សាធារណការ និង​ដឹកជញ្ជូន​ខេត្តកណ្ដាល ត្រូវបាន​ទម្លាយ​ច្រើនលើកច្រើនសា​មកហើយ​ដើម្បី​ឲ្យ​លោក ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន ចាត់វិធានការ​ទប់ស្កាត់​។ ក៏ប៉ុន្តែ​រហូតមកដល់​ពេលនេះ​លោក ស៊ុន ចាន់ថុល រដ្ឋមន្ត្រីក្រសួង​សាធារណការ មិនទាន់​ចាត់វិធានការ​ទៅលើ​អំពើពុករលួយ​របស់លោក ម៉ឺង យូ​ឡេង ប្រធាន​មន្ទីរ​សាធារណការ​ខេត្តកណ្ដាល នៅឡើយ​ទេ​។ បញ្ហា​នេះ​នាំ​ឲ្យ​មានការ​សង្ស័យថា​លោក ស៊ុន ចាន់ថុល ទទួលផល​ប្រយោជន៍​មួយផ្នែក​ណា​នោះ ពី​លោក ម៉ឹង យូ​ឡេង ប្រធាន​មន្ទីរ​សាធារណការ​ខេត្តកណ្ដាល​ផងដែរ ទើប​បណ្ដោយ​ឲ្យ​មន្ត្រី​ពុករលួយ​រូបនេះ​និង​បក្ខពួក​ធ្វើ​អ្វីៗ​ស្រេច​តែ​អំពើ​ចិត្ត​។

​ប្រភពពី​ឈ្មួញ​និង​អាជីវករ​ដឹកជញ្ជូន​ទំនិញ​ឆ្លងកាត់​ផ្លូវជាតិ​លេខ​៣ ចំណុច​កំពង់​ទួលបាន​ឲ្យ​ដឹងថា ក្រុម​ជញ្ជីង​ថ្លឹង​រថយន្ត​នៅ​ទីតាំង​នេះ​នៅតែ​បន្ត​តម្រូវ​ឲ្យ​ពួកគាត់​បង់លុយ​តាម​ការកំណត់​ដូច​មុន​ដដែល បើទោះបី​ពួកគាត់​ដឹកទំនិញ​លើស​ទម្ងន់​ឬ​មិន​លើស​ទម្ងន់​ក៏ដោយ​។ ចំណែក​ឈ្មួញ​និង​អាជីវករ​ដឹកជញ្ជូន​ទំនិញ​ឆ្លងកាត់​ផ្លូវជាតិ​លេខ​៤​ស្រុក​អង្គស្នួល ខេត្តកណ្ដាល ក៏បាន​ឲ្យ​ដឹង​ដែរ​ថា​ក្រុមមន្ត្រី​ទីតាំង​ជញ្ជីង​ថ្លឹង​រថយន្ត​ក្នុងស្រុក​អង្គស្នួល ក៏​នៅតែ​តម្រូវ​ឲ្យ​ពួកគាត់​បង់លុយ​តាម​ការកំណត់​ដូច​មុន​ដដែល គឺ​ពុំមាន​អ្វី​ប្រែប្រួល​នោះទេ​។ ក្រុម​ជញ្ជីង​ថ្លឹង​រថយន្ត​នៅ​ស្រុក​កណ្ដាលស្ទឹង និង​ស្រុក​អង្គស្នួល ត្រូវបាន​គេ​ដឹងថា ស្ថិតក្រោម​ការគ្រប់គ្រង​របស់លោក ជួរ ឈុន​ឡេង អនុប្រធាន​មន្ទីរ​សាធារណការ​ខេត្តកណ្ដាល​។ ការដែល​លោក ជួរ ឈុន​ឡេង អាចធ្វើ​អ្វីៗ​តាម​អំពើ​ចិត្ត​គឺមាន​ការឃុបឃិត​បើកដៃ​ពី​សំណាក់​លោក ម៉ឹង យូ​ឡេង ដែលជា​ចៅហ្វាយនាយ​របស់ខ្លួន​៕

IMG_22511-300x206

ចុះផ្សាយក្នុង៖ ព័ត៌មានខ្សឹបឲ្យដឹង, ព័ត៌មានជាតិ, ព័ត៌មាន​ពិសេស, ព័ត៌មានស៊ីជម្រៅ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com