គេហទំព័រ ចាប់ដៃ | ព័ត៌មានថ្មីៗទាន់ហេតុការណ៏ » ឈ្មោះ ជ័យ ជាមេកាដឹកជញ្ជូនបទល្មើសព្រៃឈើចេញពីតំបន់ក្រៅបាតអាងទំនប់វារីអគ្គិសនីសេសានក្រោម២ដោយរលូនមិនមានការទប់ស្កាត់ពីសមត្ថកិច្ចឡើយ។
0

ឈ្មោះ ជ័យ ជាមេកាដឹកជញ្ជូនបទល្មើសព្រៃឈើចេញពីតំបន់ក្រៅបាតអាងទំនប់វារីអគ្គិសនីសេសានក្រោម២ដោយរលូនមិនមានការទប់ស្កាត់ពីសមត្ថកិច្ចឡើយ។

ខេត្តស្ទឹងត្រែង៖ ប្រភពពីប្រជាសហគមន៍ក្នុងឃុំ ស្រែគរ បានឲ្យដឹងថា មានរថយន្តបង្កុងនិងរថយន្តយីឌុបជាច្រើនគ្រឿងក្នុងមួយថ្ងៃ ៗ ដឹក ឈើចេញ ពីតំបន់ក្រៅបាតអាងចូល ទៅក្នុងតំបន់ បាតអាងរួចទើប ដឹកចេញពីតំបន់ បាតអាងទៅកាន់ បណ្តាខេត្តនានាយ៉ាង រលូនព្រោះមានការ ឃុបឃិតជាមួយសមត្ថកិច្ចជាច្រើនស្ថាប័ន។

ប្រភពពីសមត្ថកិច្ចតូចតាចបានឲ្យដឹងថាមានមនុស្សម្នាក់ឈ្មោះជ័យជាអ្នករត់ការបើកផ្លូវឲ្យរថយន្តធំៗដឹកឈើ ចេញ ពីតំបន់ បាតអាងទំនប់ វារីអគ្គិសនីសេសានក្រោម២ ទៅកាន់បណ្តាខេត្តផ្សេងៗក្នុង នោះក៏មានការដឹកឈើចេញទៅ ស្រុកតាមច្រក របៀងជាច្រើនកន្លែងក្នុងខេត្តស្វាយរៀងផង ដែរ។ជាក់ស្តែងថ្មីៗនេះសមត្ថកិច្ចចម្រុះឆែកឆេរទីតាំងស្តុកឈើរបស់ឈ្មួញ នៅក្នុងស្រុករមាសហែកនិងស្រុករំដួលខេត្តស្វាយរៀងហើយរកឃើញខុសច្បាប់ឈើរាប់រយម៉ែត្រគូបប្រភពពីប្រជាពលរដ្ឋរស់នៅក្នុងស្រុកសេសានខេត្តស្ទឹងត្រែងបានឲ្យដឹងថាបទល្មើសកាប់ឈើនិងដឹកជញ្ជូនឈើចេញពីតំបន់ខាងក្រៅបាតអាងទំនប់វារីអគ្គិសនី សេសានក្រោម២កំពុងកើតឡើង យ៉ាងរាលដាលដោយសារក្រុមឈ្មួញ ប្រើប្រាស់អាជ្ញាប័ណ្ណ ក្រុមហ៊ុនសំអាត បាត អាងធ្វើឲ្យឈើខុសច្បាប់ក្លាយជាឈើស្របច្បាប់។ប្រជាសហគមន៍ក្នុងឃុំស្រែគរស្រុកសេសានបានឲ្យដឹងថាអាជ្ញាធរខេត្តស្ទឹងត្រែងមន្ត្រីរដ្ឋបាលព្រៃឈើមន្ត្រីបរិស្ថាននិង សមត្ថកិច្ច ពាក់ព័ន្ធដទៃទៀត មិនត្រួតពិនិត្យឈើខុសច្បាប់ដែលឈ្មួញដឹក ចេញពីតំបន់ក្រៅបាតអាង ចូលទៅក្នុងតំបន់ផ្ទៃអាងទំនប់វារីអគ្គិសនីសេសានក្រោម២នោះទេ។ ផ្ទុយទៅវិញពួកគេឃុបឃិតឲ្យមានបទល្មើសកើតឡើងយ៉ាងអនាធិបតេយ្យដើម្បីជាថ្នូរនឹងផលប្រយោជន៍ យ៉ាងសុខស្រួល។

សកម្មជនព្រៃឈើក្នុង ខេត្តស្ទឹងត្រែងនិងមន្ត្រីអង្គការក្រៅ រដ្ឋាភិបាលបានឲ្យដឹងថាឈើក្នុងផ្ទៃអាងទំនប់ វារីអគ្គិសនី សេសានក្រោម២ត្រូវបំផ្លាញអស់ ទាំងស្រុងតាំងពីអំឡុងឆ្នាំ២០១៥ ព្រោះឈ្មួញកាប់ដឹកជញ្ជូនធ្វើអាជីវកម្មយ៉ាងពេញបន្ទុក។ចំណែកឈើដែលឈ្មួញដឹកចេញបច្ចុប្បន្នគឺជាឈើដែលគេកាប់នៅក្រៅតំបន់បាតអាងទំនប់វារីអគ្គិសនីហើយជ្រកនៅក្រោមអាជ្ញាប័ណ្ណក្រុមហ៊ុនសំអាតបាតអាងយ៉ាងរលូនព្រោះមានមន្ត្រីជំនាញនិងសមត្ថកិច្ចពុករលួយមួយចំនួនជួយបិទបាំង។ ក្រសួងនិងស្ថាប័នពាក់ព័ន្ធជាពិសេសលោកវេង សាខុនរដ្ឋមន្ត្រីក្រសួងកសិកម្ម និងលោកសាយ សំអាល់រដ្ឋមន្ត្រីក្រសួងបរិស្ថានមិនគួរបណ្តែតបណ្តោយ តទៅទៀតទេព្រោះព្រៃឈើ ក្រៅតំបន់បាតអាងទំនប់វារីអគ្គិសនីសេសានក្រោម២ កំពុងតែប្រឈមបាត់បង់រលាយហិនហោចអស់ហើយ ៕

IMG_2086

ចុះផ្សាយក្នុង៖ ព័ត៌មានខ្សឹបឲ្យដឹង, ព័ត៌មានជាតិ, ព័ត៌មាន​ពិសេស, ព័ត៌មានស៊ីជម្រៅ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com