0

មន្ត្រីប៉េអឹមក្រចេះស៊ីឈ្នួលដាក់កុងត្រូលជជុះជ្រកក្រោមផ្លាកក្រុមហ៊ុនចិន

ក្រចេះ៖ បារ៉ាស់​រាំង​ផ្លូវ​ចំនួន​២​កន្លែង​ដែល​កំពុង​​ដើរ​តួនាទី​ជា​កុង​ត្រូល​ជជុះ​របស់​ក្រុម​ហ៊ុន​ចិន​ដោយ​គេ​បាន​ជួល​កង​កំលាំង​សមត្ថកិច្ច​មក​ធ្វើ​ខ្ញុំបំរើ​។ ​ឈ្មោះ​សឿន​ម៉ាដែន​ត្រូវ​បាន​គេ​ស្គាល់​ថា​ជា​PM​មក​ពី​ខេត្ត​ក្រចេះ​បាន​មក​ស៊ី​ឈ្នួល​យាម​កុង​ ត្រូល​ឲ្យ​ក្រុម​ហ៊ុន​ចិន​នេះ​។​​បើ​តាម​ការ​ឲ្យ​ដឹង​ពី​ក្រុម​ហ៊ុន​ចិន​(តុងមិន)​ថា៖ ​ក្រុម​ហ៊ុន​បាន​អនុញ្ញាត្ត​ឲ្យ​ឈ្មោះ​សឿន​ម៉ាដែន​យក​២ម៉ឺន​រៀល​សំរាប់​ជួស​ជុល​ផ្លូវ​តែ​ក៍​មិន​បាន​ឲ្យ​ហាម​ឃាត់​អ្នកកាសែត​ចុះ​បំពេញ​បេសកកម្ម​នោះ​ទេ​។

ប្រជា​ពលរដ្ឋ​ដែល​ធ្វើ​ដំណើរ​ឆ្លង​កាត់​ផ្លូវ​ក្រុម​ហ៊ុន​ចិន​មួយ​នេះ​គាត់​ត្រូវ​ចំណាយ​លុយ​២ម៉ឺន​រៀល​អោយ​កុង​ត្រូល​នេះ​សំរាប់​រថយន្ត​ទទេ​១​គ្រឿង​។ តែ​បើ​រថយន្ត​ដឹក​ឈើ​គ្រឿង​សិប្បកម្ម​ត្រូវ​បង់​អោយ​កុង​ត្រូល​ចំនួន​៥០​ម៉ឺន​រៀល​ក្នុង​ការ​ឆ្លង​កាត់​កុង​ត្រូល​ទាំង​ពីរ​។ ​មិន​តែ​ប៉ុណ្ណោះ​កុង​ត្រូល​ទាំង​នោះ​បាន​រារាំង​អ្នក​សារ​ពត៌​មាន​មិន​អោយ​ឆ្លង​កាត់​ផ្លូវ​នោះ​ទេ​ដោយ​គេ​សំអាង​ថា​ខាង​ក្រុម​ហ៊ុន​ចិន​មិន​អោយ​ចូល​តែ​ផ្ទុយ​ទៅ​វិញ​ខាង​ចិន​បានអះ​អាង​ថា​ខាង​ក្រុម​ហ៊ុន​មិន​អនុញ្ញាត្ត​អោយ​ដាក់​កុង​ត្រូល​យក​លុយ​សន្ធឹក​សន្ធាប់​ពី​អ្នក​ធ្វើ​ដំណើរ​នោះ​ទេ​។ ​ករណី​បង្កើត​កុង​ត្រូល​ទា​លុយ​នេះ​ពលរដ្​ឌសូម​អំពាវ​នាវ​សូម​អាជ្ញា​ធរ​ដែន​ដី​ស្រុក​ខេត្ត​ក្រចេះ​មើល​កុង​ត្រូល​នេះ​ផង​វា​ស៊ី​ឆៅ​ពេក​។​

សូម​បញ្ជាក់​ថា​ក្រុម​ហ៊ុន​ចិន​មួយ​នេះ​ឈ្មោះ​ថា ​តុង​មិន​មាន​ទីតាំង​ ស្ថិត​នៅ​ភូមិ​ស្រែ​ត្រែង​ ឃុំ​ក្បាល​ដំរី​ ស្រុក​សំបូរ​ ខេត្ត​ក្រចេះ​ ។ ​ ពាក់​ព័ន្ធ​និង​បញ្​ហា សមត្ថកិច្ច​មក​ស៊ី​ឈ្នួល​ឈរ​ចាំ​យក​លុយ​ពី​ប្រជាពលរដ្ឋ​ដ៏​សន្ធឹក​សន្ធាប់​បែប​នេះ​ អភិបាល​ស្រុក​សំបូរ ​លោក ​សូមសារិត ​បាន​សន្យា​ថា​តាម​ដាន​មើល​ហើយ​លោក​នឹង​សាក​សួរ​ទៅ​អាជ្ញាធរ​ឃុំ​លំអិត​អំពី​បញ្ហា​ខាង​លើ​នេះ​​​​ដោយ​លោក​ចាត់​ទុក​ថា​ទង្វើ​បែប​នេះ​វា​ផ្ទុយ​និង​បទ​បញ្ជារ​របស់​ប្រមុខ​រាជរដ្ឋា​ភិ​បាល​ដែល​ប្រកាស​មិន​អនុញ្ញាតិ​អោយ​មាន​ដាក់​កុង​ត្រូល​ជជុះ​ស្ទាក់​ជំរឹត​ទារ​លុយ​ពលរដ្ឋ​។ ប្រជាពលរដ្ឋ​និយាយ​ថា​ការ​អភិវឌ្ឍន៍​ផ្លូវ​ជូន​ប្រជាពលរដ្ឋ​គឺ​សាទរ​ព្រោះ​មាន​ផ្លូវ​គឺ​មាន​ក្តី​សង្ឃឹម​តែ​បើ​អភិវឌ្ឍន៍​បិទ​ផ្លូវ​មិន​អោយ​ពលរដ្ឋ​ធ្វើ​ដំណើរ​ឬ​ទាល់​តែ​មាន​លុយ​បង់​ទើប​អនុញ្ញាត​អោយ​ឆ្លង​កាត់​បាន​នោះ​គឺ​វា​បញ្ច្រាស​ទឹស​ពី​រាជរដ្ឋាភិបាល​ដែល​កំពុង​កាត់​បន្ថយ​ភាព​ក្រីក្រ​និង​ការ​លំបាក​មួយ​ចំនួន​ផ្តល់​កា​ងាយ​ស្រួល​សំរួល​ដល់​ជីវភាព ​ប្រជាពលរដ្ឋ​ហើយ​៕​

kong-dara-365x500

ចុះផ្សាយក្នុង៖ ព័ត៌មានជាតិ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com