បន្ទាយមានជ័យៈ បើតាមសេចក្តីរាយការណ៏ពីប្រជាពលរដ្ឋបាន ឱ្យដឹងថាៈច្រករបៀងចំនួនពីរ គឺច្រក របៀងទំនប់ដាច់ ដែលគ្រប់គ្រងដោយ លោក កែវ ណារិន មេបញ្ជាការរង នៃវរការពារព្រំដែនគោកលេខ៥១៥ ចំ ណុះកងពលតូចថ្មើរជើងលេខ៥១ និង ច្រករបៀងចម្ការគ គ្រប់គ្រងដោយ នាយទាហាន ការពារព្រំដែនគោក លេខ៥១៥ ដែលត្រូវជាកូនចៅលោក ឃួន ជឿន មេ បញ្ជាការវរៈការពារ ព្រំ ដែនគោកខាងលើ នៅតែមានសកម្ម ភាពអនុញ្ញាត ឱ្យឈ្មួញនាំចូលហ្គាស គេចពន្ធ និងជ្រូកក្រហម មាន់ ប្រហិត ដោយគ្មានការត្រួតពិនិត្យ នូវគុណភាព នាំឱ្យប៉ះពាល់សុខភាព ប្រជាពលរដ្ឋ យ៉ាងធ្ងន់ធ្ងរ ។
ក្រុមឈ្មួញដែលនាំជ្រូក ក្រហមទំនិញគេចពន្ធមកពីថៃ ចូលតាម ច្រករបៀង ក្នុងឃុំអូរបីជាន់នេះ រួម មាន១-ឈ្មោះធា, ២-ម៉ៅ,៣-ប្រុស និង៤-ឈ្មោះសឿន ។ ចំណែកឯឈ្មួញដែលនាំប្រភេទសាច់មាន់ប្រើសារធាតុគីមីនោះត្រូវបានគេអះអាងថាៈឈ្មោះធីនិងឈ្មោះអ៊ិត ។ ប្រជាពលរដ្ឋបានបន្តទៀតថាៈ រថយន្តដឹកជ្រូកក្រហម សាច់មាន់ រួមទាំងហ្គាសគេចពន្ធ ត្រូវ បានបង់សេវាឱ្យសមត្ថកិច្ច ជាច្រើន ស្ថាប័នយ៉ាងតិច ក្នុង១រថយន្តចាប់ពី២ ម៉ឺនរៀលទៅ៥ម៉ឺនរៀល ។ដោយឡែក ខាងយោធាភូមិភាគ៥ និងវរការពារ ព្រំដែនគោកលេខ៥១៥ គឺមានមន្ត្រីរបស់ ខ្លួនចាំរាប់ក្បាលឡានយកលុយ គ្រប់ ម៉ោងតែម្តង ក្នុងនោះជ្រូកក្រហម ១ ក្បាលយក៥០បាត(ប្រាក់ថៃ) ។
ចំណែកពេទ្យសត្វវិញ ជ្រូកក្រហម ១ ក្បាលយក១០០បាត ។ មិនតែប៉ុណ្ណោះ លោក ហ៊ុយ ទូច ប្រធានការិយាល័យ ផលិតកម្ម និងបសុព្យាបាល នៃមន្ទីរ កសិកម្មខេត្តបន្ទាយមានជ័យ ត្រូវបាន ឈ្មួញមួយចំនួននិយាយដើមថា ៖ ប្រធានពេទ្យសត្វរូបនេះ តែងតែឃុបឃិត ជាមួយក្រុមឈ្មួញ នាំចូលជ្រូកក្រហម ខុសច្បាប់ទាញយកប្រយោជន៍ ពីឈ្មួញ នីមួយៗយ៉ាងតិច១ខែ ពី១លានរៀលទៅ២លានរៀលទើបសកម្មភាពនៃបទល្មើសទាំងនេះ បានហូរចូលពី ប្រទេសថៃដោយសេរី ។នេះជាសេចក្តី រាយការណ៍ ដែលប្រជាពលរដ្ឋសង្ឃឹម ថាៈ ស្ថាប័នមានសមត្ថកិច្ចពាក់ព័ន្ធថ្នាក់ លើ នឹងចុះស្រាវជ្រាវស៊ើបអង្កេតករណី នេះជាមិនខាន ដើម្បីការពារសុខភាព ប្រជាពលរដ្ឋ និងចំណូលថវិកាជាតិផង ដែរ ។
