ខេត្តក្រចេះ ៖ បច្ចប្បន្ន នៅក្នុងទឹកដីស្រុកស្នួល ខេត្តក្រចេះ លោក គង់ ក្រឹង ដែលគេស្គាល់ថា ជាមន្រ្តីយោធា ក្នុងអង្គភាពវរៈលេខ ២០៤ មាន ឋានៈជាវរៈសេនីយ៍ទោ បាននិងកំពុងសហការគ្នា ជាមួយឈ្មោះ អ៊ុក ទ្រា ជាមេរងតំបន់ប្រតិបត្តិការសឹករង ស្រុកមេមត់ ខេត្តកំពង់ ចាម សំរុករកស៊ីជួញដូរ ឈើប្រណីត ចេញទៅស្រុកយួន សឹងរាល់ថ្ងៃ ។
ប្រភពពីប្រជាពលរដ្ឋ បានរាយការណ៍ ឲ្យដឹងថា ៖ លោក គង់ ក្រឹង បានប្រើស្បែកយោធា វរៈលេខ ២០៤ ដែលមាន ទីតាំងឈរ ជើង នៅផ្លូវលេខ ៨៨ ចំណុចត្រពាំង ស្រែ ព្រំដែនវ៉ាលឺ នឹងច្រករបៀងដេ ១ ។ ឯម្នាក់ ទៀតឈ្មោះ អ៊ុក ទ្រា ជាមេទាហាន សឹករង ស្រុកមេមត់ មាន កូនចៅដែល ជាបងប្អូន គឺឈ្មោះ អ៊ុក សារុំ និង ឈ្មោះពុធ សុភគ្រ័ ជាដៃស្តាំក្នុងការធ្វើ សកម្មភាព ជួញដូរដឹក ជញ្ចូនឈើ ប្រណីត ដោយ មានលោកអ៊ុក ទ្រា ការពារ ក្នុងអាណាចក្រស្រុកមេមត់ សំរាប់នាំចេញទៅស្រុកយួន ។ ដោយ ឡែក សំរាប់ឈ្មោះ គង់ ក្រឹង វិញ មាន កូន ស្រីឈ្មោះណាវី ជាអ្នកចេញ មុខធ្វើសកម្មភាពដឹកជញ្ជូនឈើប្រណីត ។ គង់ ក្រឹង ជាទាហាន មានផ្ទះដ៏ស្កឹមស្កៃ បំពាក់ដោយ កាម៉េរា សុវត្ថិភាព ដែលគ្មានអ្នកណា ហ៊ានទៅក្បែរឡើយ ។ មេឈ្មួញឈើប្រណីត គង់ ក្រឹង បានក្លាយជាមេឈ្មួញរកស៊ីឈើ ប្រណីតដ៏ល្បី ល្បាញប្រចាំស្រុក ស្នួល ខេត្តក្រចេះ មិនដែលមាន នរណាហ៊ានក្អកទេ ហើយសិទ្ធិ អំណាចរបស់លោក គង់ ក្រឹង បានចេញមុខប្រមូលទិញឈើ ដើម្បីដឹកចេញទៅលក់ឱ្យក្រុមហ៊ុន ទ្រី ភាពនិងដឹកទៅស្រុកយួន យ៉ាង គគ្រឹកគគ្រេងមិនដែល ខ្វល់ខ្វាយពីបទបញ្ជារបស់ថ្នាក់ លើក្នុងការបង្ក្រាបបទល្មើសរក ស៊ីដឹកជញ្ជូនឈើខុស ច្បាប់ម្តង ណាឡើយ ។
សេចក្តីរាយការណ៍ពីស្រុក ស្នួលបានឱ្យដឹងថាសមត្ថកិច្ចនិង ជំនាញរដ្ឋបាលព្រៃឈើបានដឹង អំពីសកម្មភាព រកស៊ីប្រមូលទិញ និង ដឹក ជញ្ជូនឈើខុសច្បាប់ ចេញទៅ ស្រុកយួនរបស់លោក គង់ ក្រឹង ច្បាស់ដូចថ្ងៃរះ ប៉ុន្តែ មិនដែលមានការបង្ក្រាបនោះ ទេ ព្រោះ តែ មាន ទំនាក់ទំនង ផលប្រយោជន៍តែម្តងដោយ សារថាលោក គង់ ក្រឹង តែង តែចេះសម្របសម្រួលចាយលុយ បង់ឱ្យមន្ត្រីជំនាញនិង សមត្ថកិច្ច ពាក់ព័ន្ធមិនឱ្យមានផលរមាស់អ្វី នោះទេ? ។ ប្រជាពលរដ្ឋដែលបានដឹងឮ ពីសកម្មភាពដឹកជញ្ជូនឈើខុស ច្បាប់របស់លោក គង់ ក្រឹង បានឱ្យដឹងថា អំពើ ល្មើសច្បាប់ ដ៏ធំក្នុងការរកស៊ីដឹកជញ្ជូនឈើ ខុសច្បាប់នាំឱ្យលោក គង់ ក្រឹង មានការអភិវឌ្ឍន៍ផ្នែកជីវភាព ផ្ទាល់ខ្លួនយ៉ាងឆាប់ រហ័សមាន លុយទិញដីរាប់សែនដុល្លារមាន វីឡាយ៉ាងធំស្កឹមស្កៃនិងទីតាំង ស្តុកឈើខុស ច្បាប់ ជាច្រើន កន្លែង ។
មានការរំលឹកផងដែរថា នៅក្នុងទឹកដីស្រុកស្នួល ខេត្ត ក្រចេះគេឃើញលោក គង់ ក្រឹង លួចដឹកជញ្ជូនឈើ ចេញទៅលក់ឱ្យក្រុមហ៊ុនមានអំណាចទ្រីភាព និងដឹកទៅស្រុកយួនតាមរថយន្តទំនើបៗជា រៀងរាល់ថ្ងៃដោយ ពុំមានអាជ្ញា ធរនិងសមត្ថកិច្ចពាក់ព័ន្ធប្រចាំ ស្រុកស្នួលចាត់វិធានការណ៏នោះ ឡើយ ។ ប្រជាពលរដ្ឋបានឱ្យដឹងថា ប្រជាពលរដ្ឋសាមញ្ញោនៅ ក្នុងស្រុកមេមត់តែងតែហៅ លោក គង់ ក្រឹង ពេញៗមាត់ ថា លោកសេដ្ឋី ឬឧកញ៉ា គង់ ក្រឹង ពីព្រោះគាត់រកស៊ីមានបានខ្លាំង ណាស់ និងពោរពេញ ដោយ អំណាចឥទ្ធិពលគ្មាននរណា ហ៊ានប៉ះពាល់បានសូម្បីតែសមត្ត កិច្ចជំនាញតូចតាចក៏ធ្លាប់បាន លើក ឡើងផងដែរថា សិទ្ធិ- អំណាចរបស់ លោក គង់ ក្រឹង ស្ទើរតែស្មើនឹងស្តេចត្រាញ់ប្រចាំ ស្រុកស្នួលទៅហើយ ដោយសារ តែសកម្មភាពជួញដូរ នាំចេញ ឈើប្រណីតខុសច្បាប់ក្នុងមួយ ថ្ងៃៗ ។ គេចង់ឃើញ អង្គភាព ប្រឆាំង អំពើពុករលួយដែលដឹក នាំដោយលោកទេសរដ្ឋមន្ត្រី ឱម យ៉ិនទៀង គួរពិនិត្យមើលសិទ្ធិ អំណាច របស់ លោក គង់ ក្រឹង ឡើងវិញផង ពាក់ព័ន្ធនឹងជំនួញ ឈើខុសច្បាប់កំពុងជះឥទ្ធិពល មិនល្អដល់ ថ្នាក់ លើព្រោះការរកស៊ីទិញ ឈើប្រណីតលក់ឱ្យក្រុមហ៊ុនទ្រីភាព និងចេញឈើប្រណីតទៅស្រុកយួន ក្រោម អំណាច របស់លោក គង់ ក្រឹង មានរូបភាពយ៉ាងគគ្រឹក គគ្រេងហាក់ដូចជាមើលស្រាល ចំពោះបទបញ្ជា របស់ លោក ហ៊ុន សែន ខ្លាំងពេកហើយ ។
លោក គង់ ក្រឹង មានឱកាស ដឹកជញ្ជូនឈើប្រណីតលក់ឱ្យក្រុមហ៊ុនទ្រីភាព និងដឹកចេញទៅ ស្រុកយួនជា រៀងរាល់យប់ថ្ងៃ ទោះជាពេលរឹតបន្តឹងក៏ពួកគេ នៅតែប្រព្រឹត្តភាពអនាធិបតេយ្យ មិនដែលក្រែងញញើត អ្វី ឡើយ ដែលពេលខ្លះលោក គង់ ក្រឹង បានអួតអាងប្រាប់គេឯងថាខ្លួន ជាអ្នករកលុយបង់ជូនថ្នាក់លើ គ្រប់ លំដាប់ថ្នាក់រួចអស់ហើយ ដូច្នេះគ្រប់សកម្មភាពរបស់ខ្លួន គ្មានថ្នាក់លើណាចាត់វិធានការ ទប់ស្កាត់នោះ ឡើយ ។ សូម្បីតែមន្ត្រី ជំនាញរដ្ឋបាលព្រៃឈើនិងនគរ បាលការពារព្រំដែនតាមវរៈនានាក៏មិនដែលហ៊ានហើបមាត់អ្វី ទាំងអស់ព្រោះលោក គង់ ក្រឹង បានបែងចែកផលប្រយោជន៍ ជាប់ជាប្រចាំដើម្បីកុំឱ្យរំខាន ដល់ការរកស៊ីដឹក ជញ្ជូនឈើខុស ច្បាប់ទ្រង់ទ្រាយធំរបស់មេឈ្មួញល្មើសច្បាប់ ដែលនិយាយភាសាខ្មែរមិនច្បាស់រូបនេះ ។
ប្រជាពល រដ្ឋបានបន្តថាៈ ដោយសារតែសកម្មភាព ជួញដូរឈើប្រណីត របស់ឈ្មោះ គង់ ក្រឹង និងអ៊ុក ទ្រា នៅតែអាចដំណើរ ការ បានដោយរលូន ពុំដែលឃើញសមត្ថ កិច្ចជំនាញខាងណា ធ្វើការបង្ក្រាបបាន ម្តងឡើយ គឺទុកឱកាសឱ្យ ឈ្មួញឈើ ដ៏ល្បីទាំងពីរ រូប ខាងលើ រកស៊ីជំនួញឈើខុសច្បាប់ រហូតក្លាយ ទៅជាសេដ្ឋីឬអាចហៅថា ជាស្តេច ត្រាញ់ នៅក្នុងអាណាចក្រស្រុកស្នួល ទៅ ហើយសព្វថ្ងៃនេះ ព្រោះបើគេគិត ពីប្រាក់បៀវត្សរ៍ប្រចាំខែ របស់មន្ត្រីយោ ធាទាំងពីររូបនេះ គឺមិនអាចមាន ជីវភាពធូរធារ និងទ្រព្យ សម្បត្តិភូមិគ្រឹះ ស្តុកស្តម្ភម្លឹងនោះទេ ។
មន្ត្រីជំនាញរដ្ឋបាលព្រៃឈើ គ្រប់លំដាប់ថ្នាក់ និង លោក ស ចំរុង ចៅ ហ្វាយខេត្តក្រចេះទំនងជា ទទួលបាន ប្រយោជន៍ពីលោក គង់ ក្រឹង បន្តក់ឱ្យក្នុងមួយខែៗ បានប៉ុន្មាននោះទេ ? ទើបអាច រក្សាភាពស្ងៀម ស្ងាត់បិទ ភ្នែក បិទត្រចៀកទុកឱ្យលោក គង់ ក្រឹង ធ្វើអ្វីៗតាមតែទំនើងចិត្តមិន ដែលគិតគូរពីការកែទម្រង់របស់ ថ្នាក់លើ នោះទេ ។ សម្តេចនាយករដ្ឋមន្រ្តី ហ៊ុន សែន បានព្រមាន ដកហូតមុខតំណែងឬកសាង សំណុំរឿងទៅកាត់ទោសតាម ច្បាប់ ចំពោះកងកម្លាំងប្រដាប់ អាវុធណាមួយដែលប្រើប្រាស់ ស្បែកជាយោធាទៅរកស៊ីដឹក ជញ្ជូនឈើខុសច្បាប់ ឬ រកស៊ីដឹក ជញ្ជូនទំនិញគេចពន្ធប៉ុន្តែករណី ដែលលោក គង់ ក្រឹង មិនឈឺ ក្បាលវិលមុខចំពោះការព្រមាន បែប នេះជាច្រើនឆ្នាំមកហើយ គឺលោក គង់ ក្រឹង នៅតែសុខ ស្រួលដដែលគ្មានទោសពៃរ៍អ្វី នោះឡីយ ?៕
