ធំក្លិនស្អុយមិនប្រក្រតីជុំវិញការតែងតាំងមេឈ្មួញឈើឈ្មោះ រត្ន័ ចាន់ ណា និងកូនឧកញ៉ា ស្រ៊ុន ម៉េងលាង ឱ្យបានកាន់តំណែងក្លាយជាមេបញ្ជាការរងប៉េអឹមខេត្តត្បូងឃ្មុំ ។ វាមិនមែនជារឿងធម្មតានោះទេ សម្រាប់មន្ត្រី ប៉េអឹមធម្មតា ដែលមានក្របខណ្ឌការងារពិតប្រាកដ ហើយមិនត្រូវបានតែងតាំងតម្លើងការងារ ឬប្រគល់ការងារ សំខាន់ឱ្យធ្វើសាក់សម។ ជាក់ស្តែងមេឈ្មួញបទល្មើសព្រៃឈើដ៏ ល្បីល្បាញឈ្មោះរត្ន័ ចាន់ ណា និងកូនឧកញ៉ាឈ្មួញទាហាន ស្រ៊ុន ម៉េងលាងនោះ គឺបានកំពុងបោះទន់លុយបទល្មើសព្រៃឈើទៅបិទមាត់លោក ប្រាជ្ញ ច័ន្ទ ជាអភិបាលខេត្តថ្មី និងលោក វ៉ា សារិទ្ធ ជាមេបញ្ជាការប៉េអឹមខេត្តថ្មីនេះ ឱ្យទទួលយកជួយដាក់កូនប្រុសរបស់ខ្លួនជាមេឈ្មួញបទល្មើសព្រៃឈើ ទាំងពីរនោះ បានក្លាយខ្លួនជាមេបញ្ជាការរងប៉េអឹមខេត្តត្បូងឃ្មុំ រហូតបានសម្រេចហើយ ។
ប្រភពមន្ត្រីប៉េអឹមក្នុងខេត្តកំពង់ចាម បានទម្លាយទៀតថា មេឈ្មួញបទល្មើសព្រៃឈើ ឈ្មោះ រ័ត្ន ចាន់ណា នេះគឺជាមេឈ្មួញបទល្មើស្នុងខេត្តកំពង់ចាម បានទម្លាយទៀតថា មេឈ្មួញបទល្មើសព្រៃឈើ ឈ្មោះ រ័ត្ន ចាន់ណា នេះគឺជាមេឈ្មួញបទល្មើសព្រៃឈើមួយ ដែលល្បីល្បាញខាងកាប់បំផ្លាញឈើជាប្រយោលតំបន់ព្រៃឡង់ ព្រះវិហារ កំពង់ធំ កំពង់ចាម សៀមរាប ខេត្តក្រចេះ ស្ទឹងត្រែង រតនគីរី និងខេត្តមណ្ឌលគីរី ហើយអ្វីជាភ័ព្វសំណាងដ៏ខ្លាំងរបស់ គាត់នោះ គួរឱ្យសរសើរឱ្យលោក សៅ សុខា, ឱ្យលោក ទៀ បាញ់ ក្រសួងការពារជាតិ, ឱ្យឧប. ស ខេង និងលោកនាយករដ្ឋមន្ត្រី ហ៊ុន សែន ស្វែងយល់ពីកំណែទម្រង់ស៊ីជម្រៅដ៏ស្អាតស្អំរបស់ខ្លួនដឹងថា គឺកំណែទម្រង់នៅ ត្រូវបានមន្ត្រីថ្នាក់ក្រោមនាំគ្នាជាន់ឈ្លីហើយពុលដោយសារតែអំណាចលុយ បទល្មើសព្រៃឈើរបស់កូនឧកញ៉ា ស្រ៊ុន ម៉េងលាង ឈ្មោះ ស្រ៊ុន ម៉េងឡេង និងមេឈ្មួញព្រៃឈើ រ័ត្ន ចាន់ណា រហូតតែងតាំងជនមេឈ្មួញបទល្មើសព្រៃឈើ ទាំងពីរនេះ ឱ្យក្លាយជាមេបញ្ជាការរងប៉េអឹមខេត្តត្បូងឃ្មុំ បានសម្រេចស្ថាពរតាមបំណងរបស់ខ្លួនដើម្បីបំពេញ មហិច្ឆតារបស់ជនទាំងពីររូបនេះ និងបំពេញមហិច្ឆតារបស់ឧកញ៉ាឈ្មួញបទល្មើសព្រៃឈើ ស្រ៊ុន ម៉េងលាង ឱ្យកូន ជួយកាងការរកស៊ីមុខជំនួញបទល្មើសព្រៃឈើរបស់ខ្លួនជាបន្ថែម និងពង្រីកឥទ្ធិពលនៃការរកស៊ីបទល្មើសព្រៃឈើ រៀបនិងរលត់រលាយចុងក្រោយនេះ ។
តាមមន្ត្រីតូចតាចមួយចំនួន ដែលបានដឹងឮពីការរត់ការខ្វែងដៃខ្វែងជើងឡើងធ្វើជាមេបញ្ជាការរង ប៉េអឹម ខេត្តត្បូងឃ្មុំ យ៉ាងបានសម្រេចពីសំណាក់ឈ្មួញរកស៊ីដឹកឈើដុះស្នឹមទាំង២នាក់នោះ បានលើកឡើងថា លោក វ៉ា សារិទ្ធ បច្ចុប្បន្នជាមេបញ្ជាការប៉េអឹមខេត្តកំពង់ចាមត្រូវបានចាត់តាំងឱ្យ រៀបចំរចនាសម្ព័ន្ធដឹកនាំបង្កើតកងរាជ អាវុធហត្ថប្រចាំខេត្តត្បូងឃ្មុំ ពោលគឺលោក វ៉ា សារិទ្ធ គឺជាមេប៉េអឹម ខេត្តត្បូងឃ្មុំ មានសិទ្ធិអនុម័តជ្រើសរើស មេបញ្ជាការរង មេបញ្ជាការនៅតាមស្រុក និងនៅតាមស្នាក់ការសន្តិសុខ។
ដូចជាឱកាសនោះដែរគឺ លោក វ៉ា សារិទ្ធ កាន់តែត្រូវប៉ាន់នៅពេលផ្ទេរចេញពីខេត្តកំពង់ចាម ទៅធ្វើជាមេប៉េអឹមខេត្ត ត្បូងឃ្មុំ ដែលមានទីតាំងជាប់ព្រំប្រទល់ដែនជាចំណុចសេដ្ឋកិច្ចដ៏រសើបនៃ ការដឹកជញ្ជូនទំនិញគេចពន្ធ និងឈើខុសច្បាប់ចេញ ទៅស្រុកយួនយ៉ាងគគ្រឹកគគ្រេងទាំងយប់ទាំងថ្ងៃ ។
បើតាម ប្រភពខ្សឹបខ្សៀវបានបង្ហើបឱ្យដឹងទៀតថា មេឈ្មួញរកស៊ីឈើខុសច្បាប់ដ៏ល្បីឈ្មោះ រ័ត្ន ចាន់ណា និងឈ្មួញ ម្នាក់ទៀតដែលជាគេស្គាល់ថាជាកូនរបស់ឧកញ៉ា ស្រ៊ុន ម៉េងលាង និងស្រ៊ុន ម៉ុងឡេង នោះដែលធ្លាប់បង្កព្យុះភ្លៀង ល្បីពេញស្រុកមេមត់ គឺបានចំណាយលុយរត់រកខ្សែទុយោ សម្រាប់ការអន្តរាគមន៍ឡើងធ្វើជាមេបញ្ជាការរងប៉េអឹម ខេត្តត្បូងឃ្មុំ ហើយបើតាមប្រភពខ្សឹបខ្សៀវនោះ គឺគេចូលតាមខ្សែលោក វ៉ា សារិទ្ធ អូខេជាអ្នកជួយមេឈ្មួញទាំង ២ នាក់នេះរួចទៅហើយ។
ផ្ទុយទៅ វិញលោក ប្រាជ្ញ ចន្ទ បែបទំនងក៏គ្រប់ទឹកខ្លបស្លឹកត្រចៀកជាមួយឧកញ៉ាឈ្មួញឈើ ស្រ៊ុន ម៉េងលាង ដែរ ទើបបានជាកូនរបស់ខ្លួនបានដូចបំណងនោះ ។
ពាក់ព័ន្ធនឹងករណីបែកធ្លាយចៅហ្វាយខេត្ត និងមេប៉េអឹមខេត្តត្បូងឃ្មុំ ជាន់ឈ្លីកំណែទម្រង់ស៊ីជម្រៅរដ្ឋាភិបាលនេះ ក៏មានមន្ត្រីពិតប្រាកដសំណូមពរដល់លោក ស ខេង ក៏ដូចជាអ្នកជួយជ្រោមជ្រែង ជ្រែយកតំណែងនេះ ឱ្យកូនប្រុសរហូតបានសម្រេច ។
លោក សៅ សុខា ជាមេបញ្ជាការកងរាជអាវុធហត្ថលើផ្ទៃប្រទេស និងអគ្គមេបញ្ជាការកងទ័ពជាតិ មេត្តាពិនិត្យមើលលក្ខណសម្បត្តិរបស់មេឈ្មួញទាំង២ នាក់នេះ ឱ្យបានស៊ីជម្រៅឡើងវិញឱ្យង ជុំវិញការចេញលិខិតតែង តាំងឱ្យធ្វើជាមេបញ្ជាការរងប៉េអឹមខេត្តត្បូងឃ្មុំនេះ ។
ដោយឡែក កូនប្រុសរបស់ឧកញ៉ា ស្រ៊ុន ម៉េងលាង ឈ្មោះ ស្រ៊ុន ម៉ុងឡេង វិញគឺធ្លាប់ល្បី គឺជាបងធំប្រើប្រាស់អាវុធ អនាធិបតេយ្យ និងជាមេឈ្មួញរង បន្ទាប់ពី ស្រ៊ុន ម៉េងលាងផងដែរ ។ ហើយដែលធ្លាប់តែបង្កព្យុះភ្លៀងផ្អើលស្រុក មេមត់ ខេត្តកំពង់ចាម ក៏មានឆ្អឹងអណ្តែតអាចឡើងធ្វើជាមេបញ្ជាការរងប៉េអឹមខេត្តត្បូងឃ្មុំ ផងដែរ ។
សូមរំលឹកថាអង្គភាពប្រឆាំងអំពើពុករលួយបានចេញសេចក្តីព្រមានផ្ទួនៗ ចំនួន ៣លើករួចមកហើយ គិតពីដើមឆ្នាំ ២០១៤ កន្លងមកនេះ។ ដូចជា ការព្រមាននោះមិនឱ្យមន្ត្រីរាជការកងកម្លាំងប្រដាប់អាវុធណា ប្រើអំណាចទឹកលុយ ទៅរត់ការ រត់រកកិច្ចអន្តរាគមន៍ដើម្បីកាន់តំណែងក្នុងជួរស្ថាប័នរដ្ឋ និងអង្គភាពប្រដាប់អាវុធនោះទេ។ ហើយលោក ហ៊ុន សែន ក្នុងនាមជានាយករដ្ឋមន្ត្រីក៏ធ្លាប់បានព្រមាននាំទៅផ្តន្ទាទោសតាម ច្បាប់ឬដកហូតមុខតំណែងវិញ រាល់ មន្ត្រីទាំងឡាយណា ដែលឡើងកាន់តំណែងតាមរយៈកិច្ចអន្តរាគមន៍តាមខ្សែទុយោ ឬការចំណាយលុយសម្រាប់ទិញ មុខតំណែងនោះដែរ ។ ក៏ប៉ុន្តែរហូតមកដល់ពេលនេះគេមិនដែលឃើញមន្ត្រីណាម្នាក់ត្រូវបាន នាំទៅដាក់ពិន័យ ឬផ្តន្ទាទោសពាក់ព័ន្ធការរត់ការអន្តរាគមន៍ទិញមុខតំណែងនោះទេ។
យោងតាមករណី ការបែកធ្លាយនូវរឿងរ៉ាវដ៏រសើបពាក់ព័ន្ធនឹងការចំណាយលុយនិងការរត់ រកអន្តរាគមន៍ដើម្បីឡើង ធ្វើជាមេបញ្ជាការរងប៉េអឹម ខេត្តត្បូងឃ្មុំ ពីសំណាក់មេឈ្មួញរកស៊ីឈើដុះស្លែទាំង២នាក់នេះបានកើតឡើង ដោយសារតែមនុស្សអែបអបជាមួយមេឈ្មួញទាំង២នាក់នេះបានដើរអួតអាង ប្រាប់ក្រុមឈ្មួញរកស៊ីឈើដទៃទៀតឱ្យត្រៀមខ្លួនវេចលុយយកទៅបង់ជូន ដល់មេឈ្មួញរកស៊ីឈើដ៏មានឥទ្ធិពល និងឡើងកាន់តំណែងជាមេបញ្ជាការរង ប៉េអឹម ខេត្តត្បូងឃ្មុំនោះអួតយ៉ាងពើងទ្រូង ជាពិសេសគឺឧកញ៉ារកស៊ីល្បីល្បាញ ស្រ៊ុន ម៉េងលាង តែម្តង៕
