លោកស្រីយីងឡាក់ នាយករដ្ឋមន្ត្រីថៃ ដឹកនាំគណៈប្រតិភូ ចុះត្រួតពិនិត្យ និងសួរសុខទុក្ខប្រជាពលរដ្ឋដែលកំពុងរងគ្រោះដោយសារទឹកជំនន់ នៅក្នុងខេត្តកាប៊ីនបុរី ហើយបានបញ្ជាឲ្យបង្ហូរទឹកចេញពីអាងមួយចំនួនចូលទៅក្នុងទន្លេ។
សារព័ត៌មានបាងកកប៉ុស្តិ៍ ចុះផ្សាយថា នៅថ្ងៃអាទិត្យម្សិលមិញ លោកស្រី យីងឡាក់ បានដឹកនាំគណៈប្រតិភូរាជរដ្ឋាភិបាលនៅតំបន់ក្រាព័រ យ៉ៃ ហើយបានបញ្ជាឲ្យមន្ត្រីជំនាញបង្ហូរទឹកចេញពីអាងស្តុកទឹកមួយផ្នែកចូលក្នុងទន្លេ ប្រាជីនបុរី និងទន្លេបាងប៉ាកុង ដើម្បីជួយប្រជាពលរដ្ឋដែលរងគ្រោះដោយសារទឹកជំនន់។
លោកស្រី យ៉ីង ឡាក់ ក៏បានបញ្ជាឲ្យមន្ត្រីថ្នាក់មូលដ្ឋានយកចិត្តទុកដាក់ ត្រៀមផ្គត់ផ្គង់អាហារដល់ប្រជាពលរដ្ឋដែលកំពុងជួបការលំបាកផងដែរ។
ទឹកជំនន់កំពុងវាយប្រហារភូមិរបស់ប្រជាជនជនថៃអស់ ៣៦៣ភូមិ ប៉ះពាល់ផ្ទះប្រជា ពលរដ្ឋចំនួន១២០០០ ចំណែកដីស្រែប្រមាណ៩៥០០០ រងការខូចខាត៕