0

លោក កែវ អង្កាម ប្អូនប្រុស លោក កែវ សុឃាង ដែលត្រូវបានតែងតាំងមេគយភូមិភាគគ្រប់គ្រង៥ខេត្តកំពុងប្រព្រឹត្តអំពើពុករលួយថវិកាជាតិ!

ភ្នំពេញ ៖ តាមព័ត៌មាន​ទម្លាយ​ពី​អគ្គនាយក​នៃ​អគ្គនាយក​ដ្ឋា​ន​គយ ​និងរ​ដ្ឋ​ករ​កម្ពុជា​បានអោយដឹងថា លោក កែវ អង្កាម អនុប្រធាន​ការិយាល័យ​ ដែល​ត្រូវជា​ប្អូនប្រុស​បង្កើត​របស់លោក កែវ សុឃាង ប្រធាន​នាយក​ដ្ឋា​ន​គយ​បង្ក្រាប​អំពើ​រត់គេច​ពន្ធ ត្រូវបាន​ថ្នាក់លើ​ចាត់តាំង​អោយទៅ​គ្រប់គ្រង​ជា​ប្រធាន​ភូមិភាគ​គយ​ គ្រប់គ្រង​ចំនួន​៥​ខេត្ត​គឺ​៖ កំពង់ស្ពឺ កោះកុង ព្រះសីហនុ កំពត និង​កែប កំពុងរងការរិះគន់ថាពុករលួយថវិកាជាតិសំរាប់ក្រុមគ្រួសារបក្សពួកខ្លួន។

​ប្រភពព័ត៌មាន​ដដែល​បាន​បញ្ជាក់ថា ការតែងតាំង​នោះបាន​ប្រឈម​នឹង​ការរិះគន់​យ៉ាង​ចាស់ដៃ​ពី​មន្ត្រី​គយ គ្រប់លំដាប់ថ្នាក់ ព្រោះ​គេ​គិតថា ការផ្តល់​តំណែង​ខ្លាញ់​ទៅ​លោក កែវ អង្កាម នាពេលនេះ អាច​ផ្តើមចេញពី​អំពើពុករលួយ បក្សពួកនិយម គ្រួសារនិយម ឬ​អាច​និយាយថា លោក កែវ អង្កាម បាន​ឡើងបុណ្យ​ឡើង​ស​ក្កិ​នេះ គឺ​តាម​ជើងខោ​បងប្រុស ។ មន្ត្រី​អគ្គនាយកដ្ឋាន​គយ​ និង​រដ្ឋាករ​បាន​បន្តអះអាងថា ក្រសួង​ស្ថាប័ន​ភាគច្រើន​ក្នុង​រាជរដ្ឋាភិបាល សម្តេច ហ៊ុន សែន បានធ្វើការ​កែទម្រង់​ជា​បន្តបន្ទាប់​ហើយ តែ​អ្វីដែល​សំខាន់​នោះ គឺ​កំណែទម្រង់​ការចាត់តាំង​ចៀស​មិនផុតពី​អំពើពុករលួយ ។ ប៉ុន្តែ​សម្រាប់​អគ្គនាយកដ្ឋាន​គយ គឺ​អត់​មាន​ទាន់​កែទម្រង់​អ្វី​ទាំងអស់​និយាយ​រួម​កាលពីមុន​ អំពើពុករលួយ​ប៉ិន​ណា​មកដល់ពេលនេះ​ ពុករលួយ​នៅ​ដដែល ឬ​កាន់តែ​រីក​ធំ​ថែមទៀត ។

សំខាន់​ការតែងតាំង​តម្លើង​ឋានៈ​ដែល​គេ​ស្គាល់ ​តែ​បក្សពួក​បងប្អូន ឬ ស្គាល់​តែ​លុយ​ប៉ុណ្ណោះ ។ ​ជាក់ស្តែង​ដូចជា​ការតែងតាំង​លោក កែវ អង្កាម ប្អូនប្រុស​បង្កើត លោក​កែវ សុឃាង ធ្វើជា​ប្រធាន​ភូមិភាគ​គយ​គ្រប់គ្រង ​ចំនួន​៥​ខេត្ត​នេះ​ជាដើម ទោះជា​គេ​ថា មិន​ពុករលួយ​ក៏​យើង​មើលទៅ​ឃើញថា ពុករលួយ​បក្សពួក​ដែរ ។

2016-11-26-35

ចុះផ្សាយក្នុង៖ ព័ត៌មានជាតិ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com