ប៉ោយប៉ែត ៖ យោងតាមប្រភពព័ត៌មាន ពីបងប្អូនប្រជាពលរដ្ឋ រស់នៅក្បែរព្រំដែនខ្មែរ-ថៃ និងកូនចៅមន្ត្រីៗ ប៉ូលិសតូចតាចមួយចំនួន ស្ថិតនៅក្រោមឱវាទ បាននិយាយប្រាប់ឲ្យដឹងថាក្រោមការគ្រប់គ្រង របស់ លោក សូ ចាន់ណារី មេបញ្ជាការវរៈកា រពារព្រំដែនលេខ ៩១១ ត្រូវបាន គេមើលឃើញ និងរិះគន់ថាបើកដៃអោយឈ្មួញ ជាពិសេសកូនចៅក្រោមឳវាទនាំទំនិញគេចពន្ធគ្រប់ប្រភេទចូលតាមច្រករបៀងនឹងនាំពលករសំណាកស្រុកដោយខុសច្បាប់ទៀតផង។ បើតាមប្រភពព័ត៌មានបានអោយដឹងថាទំនិញគេចពន្ធទាំងអស់នោះគឺមានការបើកដៃពីលោក សូ ចាន់ណារី មេបញ្ជាការវរៈកាពារព្រំដែនគោកលេខ៩១១ ទើបមានការនាំចេញនិងចូលបានយ៉ាងរលូនទំនិញទាំងអស់ក្នុងនោះគេសង្ស័យថាមានទំនិញរបស់លោក សូ ចាន់ណារី ផងដែរ។
ប្រជាពលរដ្ឋប្រាប់ទៀតថាជារៀងរាល់យប់និងថ្ងៃគេបានឃើញទំនិញគេចពន្ធទាំងនេះនាំចេញនិងចូលយ៉ាងគគ្រឹកគគ្រេងជាពិសេសការនាំចូលម៉ូតូគេចពន្ធតាមច្រកព្រៃគុកដោយមិនខ្លាចច្បាប់ឡើយ បទល្មើសទាំងនោះ ត្រូវគេរិះគន់ស្ទើររាល់ថ្ងៃ ជាបន្តបន្ទាប់មកថា វាបាននិងកំពុងកើតឡើង យ៉ាងអនាធិបតេយ្យ ដោយសារតែទង្វើអសមត្ថភាព របស់លោកមេបញ្ជាការឈ្មោះ សូ ចាន់ណារី ដែលខ្វះភាពជាមេដឹកនាំផង និងដោយសារតែមាន ការឃុបឃិតបើកដៃឲ្យ ពីសំណាក់លោក សួ ចាន់ណារី ដើម្បីឆ្លៀតឱកាសស្វែងរក ផលប្រយោជន៍ផ្ទាល់ខ្លួន ជាមួយបក្ខពួកផង ។
បាតុភាពមិនប្រក្រតីជាច្រើនករណី ដែលកើតមាននៅក្រោយពេលលោក សូ ចាន់ណារី ឡើងធ្វើជាមេបញ្ជាការ នៃអង្គភាពនគរបាល វរៈសេនាតូចការពារ ព្រំដែនគោកលេខ៩១១នេះដែរ ត្រូវប្រភពបានរាយការណ៍មកថា មានដូចជាបទល្មើស បណ្ដោយឲ្យមានការហូរចេញ – ហូរចូលនូវទំនិញគេចពន្ធ និងមានសកម្មភាព ពលករចំណាកស្រុក ស្ទើររៀងរាល់ថ្ងៃ។មិនតែប៉ុណ្ណោះ ក៍កើតមានការឃុបឃិត ឲ្យមានជនជាតិថៃ ឆ្លងដែនខុសច្បាប់ទាំងហ្វូងៗ ចូលមកលេងល្បែងស៊ីសង នៅកាស៊ីណូមួយចំនួន នៅក្រុងប៉ោយប៉ែត ដោយគ្មានការត្រួតពិនិត្យ ល្អិតល្អន់ទៀតផង ។
លោក សូ ចាន់ណារី បណ្ដោយឲ្យមានការហូរចូល – ហូរចេញនូវទំនិញគេចពន្ធ ជាច្រើនប្រភេទដូចជា ការនាំចូលពីថៃនូវ ទំនិញហ្គាសគេចពន្ធយកមកចែកចាយលក់ នៅខេត្ដបន្ទាយមានជ័យ និងការនាំចេញនូវខោអាវគីប ទាំងរថយន្តៗពីកម្ពុជា ទៅថៃស្ទើរាល់យប់ថ្ងៃជាដើម
តាមប្រភពពីកូនប៉ូលិស ដែលមិនពេញចិត្តនឹងការដឹកនាំ របស់មេបញ្ជាការ សូ ចាន់ណារី បានឱ្យដឹងទៀតថា ប៉ូលីលវរៈសេនាតូច ការពារព្រំដែនគោក៩១១ ស្ថិតនៅក្រោមការ គ្រប់គ្រងរបស់លោក សូ ចាន់ណារី សព្វថ្ងៃនេះ ខុសគ្នាឆ្ងាយណាស់ ពីកាលជំនាន់គ្រប់គ្រងដោយលោក ឈូក អាង ជាមេបញ្ជាការ ។ ព្រោះថា សូ ចាន់ណារី គិតតែពីរឿងរកលុយ ដោយមិនសូវខ្វល់ខ្វាយ ពីកិត្តិយសរបស់មេៗថ្នាក់លើ ឬក៍អង្គភាពផ្ទាល់ខ្លួន និងសុខទុក្ខរបស់កូនចៅ ថ្នាក់ក្រោមៗឡើយ។
ផ្ទុយទៅវិញលោក សូ ចាន់ណារី ធ្លាប់មានតែជំនាញរកស៊ី បើកហាងដូរលុយ និងវេរលុយនៅប៉ោយប៉ែត ព្រមទាំងបច្ចុប្បន្ន មានជំនាញតែខាង ដាក់បញ្ជាឱ្យលោកមេបញ្ជាការ ត្រូវធ្វើយ៉ាងណារកលុយ ឲ្យបានច្រើនពីប៉ុស្តិ៍ ច្រករបៀងទាំង ទាំងនោះប៉ុណ្ណោះ ។ ដែលបញ្ហានេះ ថ្នាក់លើៗត្រូវតែ ធ្វើការពិចារណា ក្នុងការសម្រេចចិត្ត ដកមុខតំណែងលោក សូ ចាន់ណារី ដើម្បីដាក់មន្ត្រីៗថ្មីជំនួសវិញ ទើបជាការល្អប្រសើរ សក្ដិសមជាសម័យកែទម្រង់ ពិតប្រាកដ មែន។
