0

លោក កៅ សាណារ៉ា មេច្រកទ្វាអន្តរជាតិចាំយាមខេត្តកោះកុងកំពុងតែបង្កើតទំនាស់និងបក្ខពួកនិយមពុករលួយយ៉ាងពេញបន្ទុកមិនគួរអគ្គស្នងការ នេត សាវឿន មើលរំលងឡើយ!

ខេត្តកោះកុង៖ បែកធ្លាយ​ទំនាស់ និង​បក្ខពួក​និយម​ពុករលួយ​ជា​បន្តបន្ទាប់​នៅក្នុង​អង្គភាព​ប៉ូលិសអន្តោប្រវេសន៍​ច្រកទ្វារ​អន្តរជាតិ កម្ពុជា​-​សៀម ក្រោម​ការគ្រប់គ្រង​របស់​ស័ក្តិ​៤ វ័យក្មេង កៅ សា​ណា​រ៉ា យ៉ាង​ពេញបន្ទុក​ពោរពេញ​ទៅដោយ​ការិយាធិ​ប តេ​យ្យ មិនគួរ​អគ្គនាយក សុខ ផល មើលរំលង​សកម្មភាព​របស់​មេ​ប៉ុស្តិ៍​រូប​នេះ​ទេ ! ។​

​ក្រុម​មន្ត្រី​ប៉ូលិស​ច្រកទ្វារ​ចាំ​យាម​លើកឡើងថា​ ៖ ទី​១-​គាត់​បង្កើត​បក្ខពួកនិយម រើស​យក​គ្នា​ដាក់​ចំ​សុទ្ធតែ​កន្លែង ខ្លាញ់ ហើយ​ឱ្យ​គ្រប់គ្រង​កន្លែង​សំខាន់ៗ​ធ្វើការ​តែ​គ្នា​គាត់ និង​បក្ខពួក​គាត់​ប៉ុណ្ណោះ ។

ទី​២-​ក្រោយ​ពី​ចាត់តាំង​ការងារ ប្រមូល​លុយ​កាក់​ឱ្យ​បក្ខពួក​គាត់​រួចហើយ គឺ​គាត់​ផ្តល់​សិទ្ធិ​ឱ្យ​ទៅ​មនុស្ស​ឈ្មោះ ប៊ុន ធឿន និង​ស៊ុន រតនា ដែល​ជា​អនុ​ដូចគ្នា កាន់​ការងារ​ទាំងអស់​ហើយ ឯ កៅ សា​ណា​រ៉ា យក​ពេលទំនេរ​តិចៗ​ចូល​ថៃ បន្តិច​ភ្នំពេញ​ថា​ជាប់​ប្រជុំ​ជា​និច្ច ។

ទី​៣- ការងារ​របស់​គាត់​ដែល​មមាញឹក​ជាប្រចាំ​នោះ គឺ​ធ្វើ​ការងារ​តាម​ទូរស័ព្ទ ដែល​កូនចៅ​ជា​អនុ​ចាស់ៗ​រាយការណ៍​ឱ្យ​មេ​ក្មេង អសមត្ថភាព​អាង​អំណាច​ឪពុក​ពីក្រោយ​នោះ​ជាប្រចាំ ។

ទី​៤-​នៅពេល​ដែល​មេ កៅ សា​ណា​រ៉ា ប្រាប់ថា ជាប់រវល់​មាន​ភ្ញៀវ នោះ គឺ​គាត់​រវល់​ដើរ​លេង​ស្រុក​ថៃ និង​ភ្នំពេញ ។

ទី​៥- មន្ត្រី​ឆ្លើយឆ្លង​ប្រាប់ថា គាត់​រវល់​ការងារ​នៅ​ភ្នំពេញ តែ​ធាតុពិត គឺ​កៅ សា​ណា​រ៉ា រវល់​ផ្លាស់ប្តូរ និង​ណាត់​ស្រី​ដើរលេង​ប៉ុណ្ណោះ មិនមែន​រវល់​ជាប់​ប្រជុំ​នៅ​ក្រសួង​មហាផ្ទៃ​ទាំងយប់​ទាំង​ថ្ងៃ​នោះ​ទេ !​។

ទី​៦-​តាំងពី កៅ សា​ណា​រ៉ា ឡើង​កាន់​ជា​មេ​ប៉ុស្តិ៍ អន្តោប្រវេសន៍​ពេលណា​គ្មាន​ផ្តល់​ការងារ​ឱ្យ​មន្ត្រី​បាន​ធ្វើ​ការងារ  ដោយ​ការ​កក់ក្តៅ ក្រោម​ការបញ្ជា​របស់​ខ្លួន​ឡើយ គឺ​គាត់​ក្មេង​នេះ​តម្លើង​ឬ​ក​ក្រអឺតក្រទម​ដោយ​អាង​អំណាច​ពី​ឪពុក ហើយ បង្កើត​ជា​ទំនាស់​បក្ខពួកនិយម​អញ​ឯង មើល​មុខ​គ្នា​ស្ទើរ​មិន​ចំ និង​មិន​សមជា​ថ្នាក់​ដឹកនាំ​មួយ វ័យក្មេង​នៅក្នុង​អង្គភាព ប៉ូលិសអន្តោប្រវេសន៍​នៃ​ច្រកទ្វារ​អន្តរជាតិ​ចាំ​យាម​នោះទេ ដែល​គួរតែ​ថ្នាក់លើ​គិតគូរ​ពី​ការងារ​ជាតិ​រួម​ផង ជៀសវាង​ការ យោគយល់​បុគ្គល​នាំឱ្យ​ប៉ះពាល់​ដល់​សេចក្តីថ្លៃថ្នូរ និង​ការដឹកនាំ​របស់​នាយកដ្ឋាន​អន្តោប្រវេសន៍​ថ្នាក់​ជាតិ​នោះ ។​

​ពាក់ព័ន្ធ​នឹង​សំណូមពរ​យ៉ាងទទូច​នេះ​ដែរ ការិយាល័យ​របស់​យើង​បាន​ព្យាយាម​ទៅ​លោក កៅ សា​ណា​រ៉ា តែ​ពុំ​អាច ទាក់ទង​បាន​ទាល់តែសោះ ។

​ជុំវិញ​ករណី​ដ៏​រសើប និង​ការ​អសមត្ថភាព​ត្រូវបាន​មន្ត្រី​ទម្លាយ​លើកឡើង​ជា​បន្តបន្ទាប់​ថា ភាព​ជា​ថ្នាក់ដឹកនាំ​ល្អ គេ​គួរ តែ​ឃើញ​មេ កៅ សា​ណា​រ៉ា ធ្វើការ​ច្រើន​ជាង​គេ​មានមុខ​ធ្វើការ​នៅ​ការិយាល័យ​ជានិច្ច ធ្វើការ​លើស​ម៉ោង និង​ឧស្សាហ៍​ព្យា យាម​ដឹកនាំ​ផ្តល់យោបល់​ការងារ​ល្អៗ​ឱ្យ​មន្ត្រី​អនុវត្ត ប៉ុន្តែ​ផ្ទុយទៅវិញ កៅ សា​ណា​រ៉ា ពេល​បាន​អំណាច​ជា​មេ​ប៉ុស្តិ៍​វិញ បែរជា តម្លើង​ឬ​ក​ក្រអឺតក្រទម បង្កើត​បក្ខពួកនិយម​ឱ្យ​មនុស្ស​របស់​ខ្លួន​គ្មាន​ជំនាញ​កាន់​ការងារ​សំខាន់ៗ​ក្តោប​ឡើង​មូល​ក្នុង​ដៃ ងាយ ស្រួល​ឱ្យ​ខ្លួន​បង្កើត​ការ​អសមត្ថភាព​ពុករលួយ​មិន​ចូល​ធ្វើការ​យក​លេស​នេះ​លេស​នោះ បណ្តោយ​ការងារ​សំខាន់​ទៅ​ឱ្យ​មន្ត្រី ធ្វើ ការ​អត្ត​នោម​ត្ត​តែ​តាម​ទូរស័ព្ទ​ឱ្យ​បុគ្គល ប៊ុន ធឿន ប្រើប្រាស់​ភាព​ផ្តាច់កា​រដាក់​គំនាប​ឱ្យ​មន្ត្រី​ជម្រិត​ភ្ញៀវ​ឈ្មួញ​អ្នក​ឆ្លងដែន តាមតែ​អំពើ​ចិត្ត​នេះ ឬ​ច​រឹក​ដឹកនាំ​អភិបាលកិច្ច​ល្អ​ដែល​មហាផ្ទៃ​ដាក់​បទបញ្ជា​ឱ្យ​មេ​ប៉ុស្តិ៍ កៅ សា​ណា​រ៉ា ធ្វើ​បែប​នេះ​ឬ ? ។​

​ដោយឡែក ជុំវិញ​បញ្ហា​នេះដែរ ក៏​មាន​មន្ត្រី​ចំណុះ​អង្គភាព​លើកឡើង​និង​សំណូមពរ​ចំពោះ​អគ្គស្នងការនគរបាលជាតិ លោក នេត សាវឿន និង​អគ្គ នាយកដ្ឋាន​អន្តោប្រវេសន៍​ក្រោម​ការដឹកនាំ​របស់​លោក សុខ ផល  គួរតែ​ដាក់​ការស្រាវជ្រាវ ជុំវិញ បាតុភាព​ពុករលួយ និង​ការ​អសមត្ថភាព​របស់​លោក កៅ សា​ណា​រ៉ា ជា​បន្ទាន់​ផង ដើម្បី​បំបាត់​សតិអារម្មណ៍​និង​ជម្លោះ ផ្ទៃក្នុង ដើម្បី​ឈាន​ទៅ​កំណែទម្រង់​ក្នុង​អន្តោប្រវេសន៍​មួយ​ដ៏​ល្អ​គេច​ពី​ការរិះគន់​ថា បក្ខពួកនិយម និង​ពុករលួយ​នោះ ។​/

art33.1

ចុះផ្សាយក្នុង៖ ព័ត៌មានជាតិ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com