0

លោក ថៃ លី ប្រធានពេទ្យសត្វខេត្តតាកែវអនុញ្ញាតអោយឈ្មួញយូននាំជ្រូកឈឺពីប្រទេសយួនចូលស្រុកខ្មែរ?

ខេត្តតាកែវៈ ករណី​នាំចូល​ជ្រូក​ឈឺ​ពី​ប្រទេស​យួន​មក​លក់​នៅ​ប្រទេស​ខ្មែរ នេះ​គឺ​ស្រប​ពេលដែល​ប្រជាពលរដ្ឋនៅក្នុង​ខេត្តតាកែវ បាននាំគ្នា​និយាយ​តៗ​គ្នា​ថា លោក ថៃ លី ប្រធាន​ពេទ្យសត្វ​ខេត្តតាកែវ បានអនុញ្ញាត អោយ​ឈ្មួញ​លួច​ដឹក​មេ​ជ្រូក​ឈឺ និង​មេ​ជ្រូក​ចាស់ អត់​មាន​គុណភាព មក​កាប់​លក់​នៅក្នុង​ខេត្តតាកែវ ធ្វើអោយ​ពួកគាត់ មានការ​លំបាក​ក្នុងការ​ចិញ្ចឹម​ជ្រូក​នៅតាម​ផ្ទះ ព្រោះថា ពេល​ពួកគាត់ ត្រូវ​ការលក់​ជ្រូក អ្នកទិញ​តែង​មក​បង្អាប់​តម្លៃ មិន​អាចអោយ​ពួកគាត់ លក់បាន​ចំណេញ​ ។

ប្រភព​ដដែល បាន​ត្អូញត្អែរថា វា​មិន​ត្រឹមតែ​ប៉ះពាល់​ដល់​របរ​ចិញ្ចឹម​ជ្រូក​របស់​ប្រជាពលរដ្ឋ​នោះទេ តែ​ជ្រូក​ឈឺ​ក៏បង្ក​បញ្ហា​ដល់​សុខភាព​ប្រជា​ពល​រដ្ឋ​ផងដែរ​។ ក្នុងករណី​ដឹក​ជ្រូក​ឈឺ​ពី​ប្រទេស​យួន​មក​លក់​នៅ​កម្ពុជា ដោយ​គ្មាន​ការត្រួតពិនិត្យ​ពី​មន្ត្រី​ជំនាញ​នេះ គេ​សង្ស័យថា លោក ញិ​ប ស្រ៊ន ប្រធាន​មន្ទីរ​កសិកម្ម​ខេត្ត ក៏​ជ្រាប​ដែរ តែ​ធ្វើ​មិនដឹង​។

ការនាំ​មេ​ជ្រូក​ចាស់ និង​មាន​ជំងឺ​ពី​ប្រទេស​យួន មក​លក់​នៅក្នុង​ខេត្តតាកែវ ជា​រៀងរាល់​ថ្ងៃនេះ គេ​សង្ស័យថា គឺជា​ក្រុមហ៊ុន​លួចលាក់​ដ៏​មាន​ឥទ្ធិពល​មួយ ដែលមាន​លោក ថៃ លី ប្រធាន​ពេទ្យសត្វ​ខេត្តតាកែវ នៅ​កាង​ពីក្រោយ ព្រោះ​ប្រជាពលរដ្ឋ​ខេត្ត​កែវ ដែល​បានដឹង​រឿងនេះ​ច្បាស់ បាន​អះអាង ថា មានឈ្មោះ ឈឹម ឯម និង​ឈ្មោះ ឈឹម ធួ​ក ២​នាក់​បងប្អូន ជា​អ្នក​ដឹក​ជ្រូក​ចាស់ និង​មាន​ជំងឺ ពី​ប្រទេស​យួន មក​ដាក់​នៅក្នុង​កន្លែង​កាប់​ជ្រូក ក្នុង​ក្រុង​ដូន​កែវ ដែល​ស្ថិតនៅ​ភូមិ​ត្រាំ សង្កាត់រ​ការ​ក្រៅ មួយថ្ងៃៗ​ជាច្រើន ក្បាល ដោយ​គ្មាន​ការពិនិត្យ ពី​មន្ត្រី​ជំនាញ​ណាមួយ​ឡើយ ។​

​ ​លោក ថៃ លី ប្រធាន​ពេទ្យសត្វ​ខេត្តតាកែវ ជុំវិញ​ការលើកឡើង របស់​ប្រជាពលរដ្ឋ​ខាងលើនេះ​ក៏ដោយ ក៏​ប្រជា​ប្រជាពលរដ្ឋ​ខេត្តតាកែវ ដែលជា​អ្នក​ចិញ្ចឹម​ជ្រូក​ទាំងអស់ បាន​សំណូមពរ ដល់​អភិបាល​ខេត្តតាកែវ លោក​ឡាយ វណ្ណៈ មេត្តាជួយ​ពិនិត្យ​ដល់​សកម្មភាព​ការងារ​របស់​ពេទ្យសត្វ​ខេត្តតាកែវ ដែល​កំពុង​រង​ការរិះគន់ ក្រោម​ការដឹកនាំ​របស់ លោក ថៃ លី ៕

omyentieng_hunsen-222x150

ចុះផ្សាយក្នុង៖ ព័ត៌មានជាតិ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com