0

គោរម្យងារ ឧកញ៉ា សឹង្ហ សំអុល កើតចេញមានបានពីជំនួញបទល្មើសព្រៃឈើ

ខេត្ត​ត្បូងឃ្មុំ​ ៖ មុខ​ជំនួញ និង​គោ​រម្យ​ងារ​ឧកញ៉ា សឹង្ហ សំអុល ក៏​ល្បីល្បាញ​ដោយសារ​ក្រុម​រត់​ការរៀប​ឯកសារ​នៅ​ទីស្តីការ គណៈរដ្ឋមន្ត្រី នៅ​នាយកដ្ឋាន​ឥស្សរិយ​ស ដែល​កើតចេញ​ពី​ការ Lobby និង​មានបាន​យ៉ាងពឹស​ពុល​ដោយ​សារ​មុខ​ជំនួញបទ​ល្មើស​ព្រៃឈើ​ក្រោម​ការដឹក នាំ​របស់​​​លោកនាយក​រដ្ឋមន្ត្រី ហ៊ុន សែន មិនគួរ​បើ​គេ​មើលរំលង​ពី​ទង្វើ​របស់​ឧកញ៉ា សឹង្ហ សំអុល នោះទេ ។​

​ថ្មីៗ​នេះ​មាន​សេចក្តីរាយការណ៍​ឱ្យដឹងថារបរ​រកស៊ី​ដឹក​ជញ្ជូន​ឈើ​របស់​ឧកញ៉ា​  អុល​  ត្រូវបាន​មជ្ឈដ្ឋាន ជាទូទៅ​ធ្វើ ការរិះគន់​យ៉ាង​ក្តៅ គគុក ហើយ​​​បាន​ចោទប្រកាន់ថា​  ឧកញ៉ា អុល កំពុង​បំផ្លាញ​ផ្លូវ យ៉ាង​ធ្ងន់ធ្ងរ​បំផុត មា​រយៈ​មុខ នួំ​ញ​ខ្លួនឯង ។ ​យោង​តាម​សេចក្តីរាយការណ៍​ដដែល​  នេះ​បាន​បញ្ជាក់ថាការដឹក​ជញ្ជូន​ឈើ​របស់​ឧកញ៉ា សឹង្ហ សំអុល​  គឺ​មាន​មកពី​គ្រប់​ទិស​ទី ដល ក្នុងនោះ​គេ​សង្កេតឃើញ​ដឹក ជញ្ជូន​បទល្មើស​ព្រៃឈើ​តាម​ច្រក ១២៩ និង​តាម​ច្រក គ​៣ ជាដើម ។​

​តាម​ការដឹកជញ្ជូន​ឈើ​  នេះ​ទៀតសោត គឺ​ឧកញ៉ា​អុល​  បាន​ដឹក​ឆ្ពោះ​មក​ស្រុក​មេមត់​  ខេត្ត​ត្បូងឃ្មុំ ចូល​តាម​ច្រក​  ក្រ​វៀង​, ស្រទុំ និង​ចាន់​មូល ដើម្បី​យកទៅ​លក់​ឱ្យ​ឈ្មួញ ជនជាតិ​យួន​ដឹកយក ទៅ​ស្រុក​យួន​ជាប្រចាំ​ទៀតផង ក្រោម​ការឃុបឃិត​ពី​មន្ត្រី​ជំនាញ តាម​ដងផ្លូវ​និង​មន្ត្រីរដ្ឋបាល​ព្រៃឈើ​ប្រចាំ​តំបន់​ធ្វើ​មិនដឹងមិនឮ​យ៉ាង​ត្រូវប៉ាន់​យូរ ឆ្នាំ​មកហើយ ។​

​ប្រភព​ពី​ប្រជាពលរដ្ឋ​ក៏​បាន​ឱ្យដឹងថា ការដឹកជញ្ជូន​ឈើ ដោយ​ក្រុម​ឧកញ៉ា​ឈ្មួញ សឹង្ហ សំអុល នេះ​  បាន​បំផ្លាញ​ផ្លូវថ្នល់​ឱ្យ​ខូចខាត យ៉ាង​ធ្ងន់ធ្ងរ​បំផុត ដោយ​គ្មាន​ការបង់ពន្ធ​ចូល​រដ្ឋ​ទេ ! ហើយ​មុខ​ជំនួញ​របស់​ឧកញ៉ា​នេះ កាក់កប​ទៅបាន​ដោយសារ​មាន​មន្ត្រី​ជំនាញ ធ្វើ​បង្អែក រួម​ដៃ​នូវ​ពីក្រោយ​មិនគួរ​បើ​គេ​មើលរំលង​នោះទេ ។​

​បើ​តាម​ជាមួយគ្នានេះដែរ ប្រជាពលរដ្ឋ​បានឱ្យដឹង​ទៀត​ថា​ក្នុង មួយ​យប់ៗ​មាន​ឈើ​ដឹក​ចេញ យ៉ាងតិច​ពី ១០០ ម៉ែត្រគូប​  ទៅ ២០០​ម៉ែត្រគូប ។​  ចំណែក​មេការ​របស់​ឧកញ៉ា​  អុល​បាន​ត្អូញត្អែរ​ប្រាប់​អ្នក​  កាសែត​ថា ឥឡូវនេះ​រកស៊ី​  ឈើ​មិនសូវ​កាក់កប​ទេ ព្រោះ បង់​ឱ្យ​ថ្នាក់លើ​អស់ហើយ ។​

​មាន​ការបញ្ជាក់ គឺ​ឧកញ៉ា​មេ​ឈ្មួញ សឹង្ហ សំអុល នេះ​បាន​ចំណាយ​លុយ​រត់ការ​ផ្លូវ​បិទមាត់​មន្ត្រី​ជំនាញ និង​សមត្ថកិច្ច​តាម​ដងផ្លូវ​ក្នុង ១​ជើងៗ ចំណាយ​ចាប់ពី ៦​សែន​-៨​សែន​ដុល្លារ ក្នុង​១​ជើងៗ ។ ហើយ​លុយកាក់​ដែល​បាន​មក ពី​ការដឹកជញ្ជូន​ឈើ​របស់ ឧកញ៉ា អុល ត្រូវ​បង់​ទៅឱ្យ​  ថ្នាក់លើ​ណាខ្លះៗ​លោក ប្រាជ្ញ ច័ន្ទ ចៅ ហ្វាយ​ខេត្ត​ត្បូងឃ្មុំ ផងដែរ ក៏​អាច​ថា​បាន ព្រោះថា គេ​ពុំ​ដែល​ឃើញ​អភិបាលខេត្ត​រូបនេះ កម្រើក​សកម្មភាព​បង្ក្រាប​បទល្មើស​ដែល​កំពុង កើតមាន​ក្នុង​ដែនដី​របស់​ខ្លួន​នោះ​ទេ ដោយ​ទុក​ឱ្យ​មេ​ឈ្មួញ​ព្រៃឈើ​ឧកញ៉ា អុល យក ទៅ​លក់​ឱ្យ​ឈ្មួញ​ជនជាតិ​យួន​យ៉ាង​អនាធិបតេយ្យ​បំផុត ។

ហើយ​អ្វី​ដែល​ធ្វើឱ្យ មាន​ការរិះគន់​ខ្លាំងៗ​នោះ​គឺ​ការ ដឹកជញ្ជូន​ឈើ​របស់​ឧកញ៉ា​ អុល បាន​បំផ្លាញ​ផ្លូវថ្នល់​ឱ្យ​  ខូចខាត​យ៉ាង​ធ្ងន់ធ្ងរ​បំផុត ដែល​ចាំបាច់​ត្រូវតែ​មាន​វិធាន ការ​ទប់ស្កាត់​ជា​បន្ទាន់ ។ ព្រោះថា​ឧកញ៉ា​នេះ ក្រៅពី រកស៊ី​ទុច្ចរិត​បទល្មើស​ព្រៃឈើ​មានបាន​ខ្លួនឯង​ទៅ គឺ​គ្មាន​ប្រយោជន៍​អ្វី​ចំរើន​ដល់​ជាតិ​នោះ​ទេ ក្រៅពី​នូវ​ពីក្រោយ​មហន្តរាយ​ក្លាយជា​វាល​ហោ ស្ថាន​ព្រៃឈើ​នៅ​កម្ពុជា​នោះ គឺ​គ្មាន​គុណភាព​ប្រយោជន៍​អ្វី​បន្តិច​សម្រាប់​ជាតិ​មាតុភូមិ ក្រៅ​ពី​ការកាប់បំផ្លាញ​ព្រៃឈើ​ឱ្យ​ធ្វើ​ជំនួញ​ទុច្ចតរិត លើ​ព្រៃឈើ​រហូត​ក្លាយ​ជា​ឧកញ៉ា​រាល់ថ្ងៃនេះ អ៊ីចឹង​ហើយ​គួរតែ​រដ្ឋាភិបាល​ផ្តល់​គោ​រម្យ​ងារ​ឱ្យ​គាត់​ជា​បន្ថែម​ទៀត ទៅ​(Sic)​។​/

M63

ចុះផ្សាយក្នុង៖ ព័ត៌មានខ្សឹបឲ្យដឹង, ព័ត៌មានជាតិ, ព័ត៌មាន​ពិសេស, ព័ត៌មានស៊ីជម្រៅ
©២០១៣ រក្សាសិទ្ធ​គ្រប់​បែប​យ៉ាង​ដោយ​សារ​ព័ត៌មាន​ចាប់​ដៃ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចុះផ្សាយ​នេះ​តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស សរសេរ​ឡើង​វិញ ឬ ចែកចាយ ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

Recent Posts

©២០១៣ រក្សាសិទ្ធ​ដោយ​សារព័ត៌មាន​ចាប់​ដៃ | ទូរស័ព្ទ៖ 077 56 79 79 | អ៊ីម៉ែល៖ chabdainews@gmail.com

សហការផ្តល់ព័ត៌មាន៖ 077 56 79 79 | អ៊ីម៉ែល៖ chabdainews@gmail.com

បង្ហោះគេហទំព័រ​ដោយ MyWeb Services៖ | ព័ត៌មានបន្ថែម៖ 092 266 264 ឬ info@myweb-service.com